جده عروس البحر مدري عذابه=
في ثوبها قصة دموع الحواري
... بالامس مبتله بقطر السحابه=
لين اختلط لون المطر بالمجاري
واليوم محروقة جسد .والغرابه!!=
مازال ثوب الحزن،، منظر حضاري
تلحفت ثوب الألم والكآبه=
تصرخ ( عسى من هو يرد اعتباري)
ياصاحبي هل للمسائل اجابه=
لامات طفلة،، وش يفيد اعتذاري
تموت شمعه،، لاجل عين الغلابه=
وتطيح دمعة،، من عيون العذاري
في مدرسه صارت حطام وخرابه=
ذكرى،، جسدها من عنا الظلم عاري
غدير نادت ريم !! باقي مصابه!؛=
طفله،، يحاصرها اللهيب الحراري
ياأستاذتي!! يامعلمتني الكتابه!!=
أشوف باب الموت ،، مخرج طواري
وجه الحبيبه ،،من يعوض غيابه=
ومن هو يعوض حرقتي وانكساري
ماتت ويحضنها الوطن في ترابه=
وغابت وسالت بالدموع الحواري
قولوا لمن يفهم لحضرة جنابه=
ترى المدارس سيئة وانت داري
والوضع مزري والمباني معابه=
واسوارها تصرخ : ( كرهت انتظاري)
بين المطر والنار وجه التشابه=
والنور ظلمه والصعود انحداري
اخر ضحايا موطني لاغرابه=
اطفال يحضنها اللهيب الحراري
واكبر مثل للتضحية والمهابة=
غدير كتوعه وريم النهاري

صح لساااااااااانك ملايين يا علي

صح لسانك يالنشمي وعلا شانك على هذا الإبداع الجميل ..
والله يرحم من مات ويشفي من أُصيب ويعيذنا من كل بلية ٍ وبلاء ...
دمت متألقاً وكل عام وأنت بخير..تحيــــــــــــــــة

المشدق
صح لسانك واعتلا شانك تقبل ودي واحترامي
اكبر مثل للتضحيه والمهابه
غدير كتوعه وريم النهاري

غدير كتوعه وريم النهاري الى الخلد جزاء ماقدمن من عمل بطولي الاخ علي صح لسانك على هذي الكلام الطيب والى الجديد القريب . موفق

علي عيظه
صح لسانك وسلمت يداك ابيات معبره ومؤثره
رحم الله الفقيدتين واسكنهن فسيح جناته

الله يعطيك العااافيه ..وصح لسانك اخي الكريم
ابداع لايقبل التاؤيل ...ولكن ياترى هل يستمر مسلسل جده
رحم الله غدير وريم ...رحلوا ولكنهم لازالوا بيننا بذكراهم العطره
جعل ماقدمت ..في ميزان اعمالك...
شكري وتقديري

حسبي الله ونعم الوكيل وهذا قضاء وقدر ولازم نؤمن به والحمدالله يارب



أبيات في الصميم
صح لسانك ملايين ولايكفون

تقديري