![]() |
زين الخلايق
جريت ونه وسمعوها الخلايق وقامت تلفت العرب من ونيني . قالو علامك وقلت أنا الصدر ضايق ودمعات عيني بيّحت لي كنيني . هموم قلبي سببت لي حرايق نار(ن) لظاها بالحشى يكتويني . كل ما ذكرت الزين صرت امتضايق أذكر جميل(ن) صار بينه وبيني . أول إذا شفته غدى البال رايق أشتاق له وأبيه وهو يبيني . أقضي معه ساعات كنها دقايق ضحك وسواليف وغزل مع ضنيني . شاء القدر ثم صار دونه عوايق ودّعني وقفّا وتركني حزيني . وين العهد مابيننا و الوثايق؟ طار الوليف وراح قدام عيني . مدري أعيش أحلام وإلا حقايق يارب تلهمني الصبر يا معيني . من بعد ماهو راح زين الخلايق همّي بقى في داخلي مبتليني |
زين الخلايق سلب عقلي سبحان من صوره سبحان تسلمين يالغلا كلمات رائعه راقت لي الف شكر لاعدمناك |
الساعة الآن 11:55 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع