|
شعاع الشمس
شعاع الشمس رِفقاً بي وبالطيبه=انا عاري صدر جيتك, وش التالي الا كم لعتْ صدري ما انتْ داري به=ولا غيرك درا عني , وانا غالي ولا يطري عليّ اشكي لواهيبه=( ولا يمكن تذاع اسرار لامثالي) عمود الخيمه يا حوله طوانيبه= ولو يهتَّز تتقطع به حبالي وانا رجّال مثلي عَزّ ترهيبه= يداوي نتق جرحْ بجمر مشعالي يوّن القلب من كثرة عواذيبه=جروحه تنزف بجوفي وتنهالي ولا ابديها وياهي والله تعيبه =خِباها صدر كل ضلوعه نحالي تشوف النمر لمّا يكتم نحيبه= ترى من عزَته يكتم وش يصالي وذاك الصقر حين يونّ من صيبه= يطير ابعيد والا يسجّ في العالي شعاع الشمس وإنك آيه عجيبه=انا غنيت بك طرقي وموالي فمن لطفك نشأ طيفك بتركيبه=عبرت القطر واتكسّرت يا اللالي تشكّل قوس شقّ الافْق له هيبه=بسبعة الوان هذا ابداع وخيالي وهامت بك عيونٌ كلها رِيبه=ومن روعتك صاير مضرب امثالي اذا كلْ لون له عشاق حبيّبه=عشاشيقك كثار وفيهم احوالي شعاع الشمس لو بتغيبها غيبه=عليهم لحظة ابغيبتك بـ/ ليالي ولا عزوى بليل الهم سوى ذيبه=عواه يونّس العشاق ويسالي شعاع الشمس رغم الرفق والطيبه=اباغطي عرا صدري وش التالي |
الله الله ياسمّار صح لسانك ملاييين رائع ومبدع تقبل اطيب تحيه وتقدير |
صح لسانك ولاهنت يعطيك العافيه .... |
اقتباس:
الروعه دائما في حضورك صح قلبك وكلك ولاهنت |
اقتباس:
اشكرك على مرورك وتعليقك لاخلا ولاعدم |
صح لسانك ولاهنت اخوي نص راااائع وجميل...جمل الله حالك الف شكر لك |
اقتباس:
....الروعة مرورك والجمال تعليقك لك الشكر االجزيل على الحضور الماتع لاهنتي |
| الساعة الآن 08:01 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع