على جال الشعيب اللي تفرّق منه ركب الحب=جمعت اشتات من ذكراك ومن انقاض احاسيسي
نفضت غبار غطّى صخور كنّا ابوجهها نكتب= مواعيد اللقاْ القادم وامانيك وهواجيسي
ونصْدُق كلّ مرّه في الوَعَد وانجي ولا نعجب= وننقش قلب عانق قلب داخل عقد رمسيسي
وموعد كان حاله غير عنده نقْش قلبٌ صب= بدأ الموعد وذاك القلب والصخره متاعيسي
نقشت القلب انا بيدي وذيك المرّه مستغرب= وش اللي غيّبك عن موعدٌ له منك تقديسي
وشفتك عقبها ولا شفت لانك كنت تتهرب= فهمته نقشك اللي قلت تبغي فيه تدريسي
نقشتَه قلب يقطر دمّ فوق الصخر ما يتعب= عسى انْ شا الله وقف نزفه وهبّته النسانيسي
وانا ابشّرك قلبي طاب ما ينهَبه من ينهب= وباقي لي من آمالي كثير ومن نواميسي
ترى بالصدفه انا مريّت ذاك الشعب وامجنب= فلا يطري عليك اني باعيد ابني متاريسي
واذا منّك ترى مرّيت جنّب عندها واشرب= قراح الذكريات العذب واسق الركْب والعيسي
وفي جال الشعيب اللي تفرق منه ركب الحب=بتلقى شئ من ذكراك ومن انقاض احاسيسي

الله الله ياسمار
تذكرني بالاطلال
صح لسانك ملايييين
ابدعت بارك الله فيك
تقبل تحياتي

صح لسانك ياسمّار .. لاهنت

تقبل مروري

الشاعر المميز سمار
لله درك ولنا دررك
لقد إرتويت شعرا هذا الصباح
تميز وإبداع وإرواء للذائقه
تقبل مروري ولي عوده لإرواء الذائقه
دمت ودام تميزك
تقبل تحيتي وتقديري ودمت بود
ترانيم

صح لسانك ... ولاهنت

يعطيك العافيه

المشاركة الأصلية كتبت بواسطة ملك الليل999 (المشاركة 533646) الله الله ياسمار تذكرني بالاطلال صح لسانك ملايييين ابدعت بارك الله فيك تقبل تحياتي

المشاركة الأصلية كتبت بواسطة شدا الشامي (المشاركة 533652) صح لسانك ياسمّار .. لاهنت تقبل مروري