ياقلب .. هذي طبيعة حالنا كل يوم=
حتى الضحك والبكاء .. يبغى لها ترجمه=
( هذا بكى من فرح ) .. ( هذا إبتسم للهموم )=
غريب وضع الزمن .. نفهم ولا نفهمه=
من واقع ( الحزن دايم ) و ( الفرح مايدوم )=
قلوبنا تلتهب .. وعيوننا مُحْرِمه=
برق و رعد .. والسماء متلبّده بالغيوم=
والأرض فيها الجفاف .. وشمسنا مُظلمه=
والورد ضدّ الصَّبا .. يعشق رياح السموم=
والنجم يصرخ .. وراحة خاطري مؤلمه=
والحُب سهران وعيونه تعدّ النجوم=
جريح .. وأستنزف آخر قطرة ٍ من دمه=
وناحل الخصر ماضيّق عليه الهدوم=
الا بروز الصّدر وأردافه المُجْرِمه=
يازين حاول تخاف الله فينا .. وصوم=
اللي ترجّاك رجوى .. ليش ماترحمه؟=
لا والله الا ترى ضاعت علينا العلوم=
بالذات لو كان في تالي الشهر مَكْرَمه=
وين أمّهات العصايب ناقشات الرقوم=
زمان يافن .. وش هي فتنة العولمه=
بنت الشرف حسْب ميثاق العهد والسلوم=
دين و حياء في بساطتها ومتحشّمه=
رغم الجَمَال الإلهي ماتطيح وتقوم=
مكتوب في قلبها ( تتحجّب المسلمه )=
***

مكتوب في قلبها تتحجب المسلمه

وامحمد محمد اوي ماتسمع صح لسانك الين ترضى انت عفريت مبدع تقبل ودي واحترامي

صح لسانك ياشيخ العلم الاخضرحوااجب

صح لساااااانك ملايييييييييييييين ولا يكفووووووون ابيات تطرق الباب بدون استئذان
بجد نص فاخر لايكتبه الا المبدع انت رائع بكل حالاتك ويعطيك الف عاااااااااااافيه وباانتظار جديدك دوماً

ودام الابداع يعانق رووحك ..
وكل عام وانت بالف خير وسعااده
تقديري واحترامي ....//
ووورد

المشاركة الأصلية كتبت بواسطة فهد قزعه (المشاركة 532560) مكتوب في قلبها تتحجب المسلمه وامحمد محمد اوي ماتسمع صح لسانك الين ترضى انت عفريت مبدع تقبل ودي واحترامي

صح بدنك ياقشطه ....... لاهنت ياغالي

ودي وإحترامي .......

المشاركة الأصلية كتبت بواسطة متعب الدوسي (المشاركة 532561) انا لله صح لسانك ملايين يالغالي وسلم بنانك

صح بدنك ملاييييييييين ... ولاهنت يالغالي

شاكر وممنون ......

المشاركة الأصلية كتبت بواسطة ملك الليل999 (المشاركة 532562) صح لسانك ياشيخ العلم الاخضرحوااجب

صح بدنك ياغالي ... بس وش قصدك بـ حوااجب هههههه تقصد مجرمه؟

هههههههههههههههه .......... لاهنت وتسلم بندقيـــــــــــــة