بين إنتحار الصمت في بحر الكلام=
وبين كثر الهرج في دنيا السكـوت=
اللحظه اللي هدّرت دمـع الغـرام=
آخر فصول الفيلم ..والعاشق يموت=
الناس تتعافا ..وأنا جِلْـد وعظـام=
قلبي مواني جرح ..وأفكاري شتوت=
والعين من مـدّه مجافيهـا المنـام=
والنفس..مايهنا لها شرْب ٍ وقـوت=
يابري حالي برْي بستـان الخـزام=
اللي نبت حوله كرز شامي وتـوت=
لاصابه الزلزال في ليـل الظـلام=
والماء تغيّر بعد تسريب الزيـوت=
عليك ياللي مَـرّ مـا ردّ السـلام=
يمضي ربيع العمر ..وإيامي تفوت=
أزريت أطيق الصبر عن بدر التمام=
والحب علّقنـي بخيـط العنكبـوت=
محتار..مدري كيف تحقيق المـرام=
رغم الشرف والكبرياء والجابروت=
أغيّر إسمي في سجـلاّت الـدوام=
والحُكم يقلب صَنّ في لعب البلوت=
والناس قالوا لي : تراه أكبر حرام=
تجنّب الكدلك على شـان الفـروت=
**

أسعدك الله دنيا وآخره والله إني دخلت جو ثاني

راااائع أخي الغالي ... ولاعدمت وجودك وربي

إنت إضافه من النوع الثقيل ماشاء الله عليك

وعيني عليك بارده واصل وأنا اول المتذوقين ..

شدا الشامي
صح لسانك وسلمت يداك
ابيات صغيت من ذهب
اجمل واطيب
التحايا

الله الله يا شدا الشامي

رااااااااااااااااااااااااائع

صح لسااااانك ملايين

اقبلني احد معجبينك

صحت أبدانكم جميعاً وشرف عظيم لشدا أن تكونوا من زوّار صفحته

بارك الله فيكم .. لاعدمتكم