أبدا بذكر المعتلي خير طلآب=محصي مخاليقه ومنشي غمامه
وصلاة ربي لاابلج والنور وإن غاب=وعداد مايصبح كدر وإبتسامه
على محمد سيدي سيد الاحباب=شفيعنا لاجاء نهار القيامه
سلام مثل الشهد حالي وينساب=يقدّره من يشتكي من عدامه
أخاطب اهل الفكر واصحاب الالباب=والا الخمامه طول عمره خمامه
يوم النصيحه بين شاري وجلآب=خذها الرشيد وخصّها باهتمامه
والحين كلّن للحكم شرّع الباب=وقام يكتبها بريش النعامه
ياصاحبي يفنى المفلّس ولا جاب=من سيرة اخواله ولا من عمامه
إن قلت شاعر قالوا الناس كذّاب=وإن قلت مايعرف لحقني ملامه
كان الشّعر غتره ومرعز وقلآب=ومسبحه ياخيبته ياهدامه
الشّعر صدق إحساس وإلآ انت نصّاب=تبي علامه وانت كلّك علامه؟
انكان تسعى للمسمّى والالقاب=ويزيد مدحك في الحجاز وتهامه
تكسب ثواب إن سرت للناس خطّاب=مهنه ولا فيها رسوم وغرامه
واترك حمول الجور لمشمّخ الناب=واطلب دوام العافيه والسّلامه

أخي
ابن الجنوب
سلمت وسلمت أناملك الذهبيه التي خطت لنا بوحك الجميل
مررت بمتصفحك وراقت لي قصيدك
دمت ودام قلمك المضيء ودام فكرك الراقي

سلمت يابن الجنوب

وشاعر بلا منازع

المشاركة الأصلية كتبت بواسطة إحساس شاعر (المشاركة 492294) أخي ابن الجنوب سلمت وسلمت أناملك الذهبيه التي خطت لنا بوحك الجميل مررت بمتصفحك وراقت لي قصيدك دمت ودام قلمك المضيء ودام فكرك الراقي

المشاركة الأصلية كتبت بواسطة جارالله اللساب (المشاركة 492298) سلمت يابن الجنوب وشاعر بلا منازع

المشاركة الأصلية كتبت بواسطة صقر الجنوب (المشاركة 492306) صح لسانك ملايين ياعميد الشعر .. صديقك الصادق من قال كلمة الحق في وجهك ولا ضحك عليك وضحك الناس عليك بيض الله وجهك وليت اللي ينسب لنفسه كلمة شاعر يفكر مليون مره قبل مايقولها هل هو شاعر ام لا لأن الناس مايرحمون ابينقدونه بكره .