الرد مفتوح قارعة
 

زهران قوم الجمايل والكرم من زمــان
هم قوم للطايلة والطيب واهل الكــــرم
زهران ساس الشعر والله ربي خبيـــر
ودي نضحي بواحد من شعاعيرهــــــا

صح بدنك

يا مرحبا والقصايد كلها لي زمــان
ما يجحد اللي عطاه الله معنى الكرم
يا صاحبي لو يجيك العلم والا الخبير
كم واحد(ن)في ديار ما شعى عيرها

يامرحبا يابن عمي جيت والعلــــم زان
ابنشدك عن شعاعير الحجز والتهـــــــم
فالملتقى الرابع اللي صار شرق الجزير
حضوركم زود النكبات ياطيرهــــــــــا

يا صاحبي لو وزنت العلم لك با المزان
علم(ن)يجمل ولاحوله قصور وتهــــــــم
لا تصدق اللي حكى يقصد نفاق وجزيــر
ما دمت حاضر عرفت سبيع وامطيرهـا

يقلون لي تمر بيشه صدق مابه لـــوان
لكن مادري عن انوع التمر والعجــــم
وقالوا غرامة كواك وعدت مية ضمير
واصبحت تبكي فذيك الدار من غيرها
غيرها = الغيره

يا خوك ما هو صحيح لكن آن الا اوان
غرامه شاعر وانا ولعتبه ولع جـــــــــم
علمته الشعر لكن ما نضمر ضميـــــــــر
دور على سالفه واجيب انا غيــــــــرهـا

مدري تجيب العجف ولا تجيب السمان
يمكن كويتوا غرامه وانت شاعر شهم
والسالفة لو نقلها لاتغير بغيــــــــــــر
بانشد شعاعيرها وانشد جماهيرهــــــا

يا خوك فا القلب امان وجاك فالراس مان
كويت لكن غرامه ذيب يرقـــــى الشهــــــم
شرواك يا ولد عمــــي ما ندور لغــــــــيـر
بلقــاك في عرضت(ن) تضحك جماهيرهـا