قولوا لها ما يمل القلب من شوقه= والروح ما ترتوي من كثر طاريها
قولوا لها وش بقى بالشوق واذوقه=واعيش في شوقها واسرح بماضيها
الشعر كله لها موزون بطروقه=واحلى القصايد لها تنسج معانيها
ان كان بسماتها في روح محروقه=فالروح مستمتعه والشوق كاويها
الله ماسرع خفوق القلب واسبوقه=لاساير الروح واتخيل امانيها
الروح تحلم وهي بالشوق مطبوقه=تسرح بها امالها والبعد لاويها
البعد طول وجف التمر بعذوقه=والباخره ضيعت حتى موانيها
الشوق يجتاحني والبسمه مسروقه=والساعه ما ابطى دقايقها او ثوانيها
لاحل بي طيفها والخافي ايسوقه=تسوى ترى عندي الدنيا وما فيها
هذي ترى قصة العاشق لمعشوقه=تذبل حروف الهوى من هو يداويها