أكاديمـيـة العرضـة الجنوبيــة - ربـاع - الــــدنـــيـــا عــجــيــبــة

الــــدنـــيـــا عــجــيــبــة

قـالـوا الـدنـيـا عجـيـبـه قـلــت ليلـتـنـا عـجـايـب
والقـلـم فـيـهـا تـمــرد فـــوق سـلـطـان الكـتـابـه
وصرت فيها شبه غايب بـس انـا مـا نيـب غايـب
والدروب طوال والمسرى سرى به من سرى به
صاحبـي مالـد وجـهـه لــى يــوم الـحـظ عـايـب
والله انـى مـا شرهـت الا علـى حـضـرة جنـابـه
القـصـايـد قسّـمـوهـا بـيـنـهـم مــثــل الـنـهـايـب
والمعانـى كرروهـا لـيـن صــارت فــي تشـابـه
خبـروا لـيـل الهبـايـب عــن ركــود ام الهبـايـب
واعقلـوا هـاك العتـاب اللـى ذبحنـى فـي عتـابـه
كـيـف ادوّر راحــت الايــام والدنـيـا مـصـايـب
وكيف انـادى حلمـى اللـى غـاب وارتـاح بغيابـه
يا قصيدي شاعـرك مـا خـاب ميـر الظـن خايـب
وانـت قـدرك فـوق راسـي والمهابـه لـك مهابـه
يـا عسـى يفـداك لـيـلٍ قــد سهـرتـه فـيـك ذايــب
بـيـن ترنـيـم القـوافـي واللـحـن لـحــن الـربـابـه
شـاعـرٍ بـيـن الـنـجـوم ودنـيـتـه دنـيــا غـرايــب
والـزمـن هــذا غـريـب وكــل نظـراتـه غـرابـه
شـايــلٍ هـمّــه وهـــمٍ داخـلــه بالـحـيـل شـايــب
ويـتـمـنـى تــرجــع الايــــام ويــعــوّد شـبــابــه
يرسـم الاحـلام مـره مخطـى ومــرات صـايـب
والنـوايـا فــي خفـوقـه كنّـهـا وجـــه السـحـابـه
ليله اطول مـن وصـول الحلـم وعيـون الحبايـب
والـثـوانـى تبـتـديـه أحـــزان وهـمــوم وكــآبــه
وكــان هالدنـيـا عجيـبـه هــاك ليلـتـنـا عـجـايـب
والـقـلـم فـيـهـا تـبــرّا مــــن مـفـاهـيـم الـكـتـابـه