|
عطش السحاب (هديتي بعد الغياب)
متواضعه اقبلوها بكرمكم
لو يموت الليل ما يكفيه حزن إشراقي=ولو يموت الورد ما يكفيه حزن ترابه علم أزهار البنفسج لا تخون الساقي=مثل ما خانه من أول توته وعنابه لو مسحت الدمعه اللي تستحل أحداقي=كان ما شفت العطش يسكن عيون سحابه أنت عارفني وعارف مبدأي وأخلاقي=ماعترف في ( من لقى أحبابه تناسى أصحابه) أنت تدري وش يوسع خاطري لا ضاقي=وأنت تدري وش يطمن روحي المرتابه لو عطيتك كل عمري ما طلبت الباقي=في شراييني هواك أموت به وأحيا به يا فديت اللي من أشواقه بكى لفراقي=والله إنه قبل يبكيني بكيت غيابه لا رفع صوت الحزن صار الصدى بأعماقي=الغريبه كيف حتى أحزاننا تتشابه آه لو تدري وش يسبب سقوط أوراقي=كان ضميت المشاعر لين تصبح غابه بفتح أبواب الحضور بلهفتي وأشواقي=وأنت تكفى في الغياب إنك تسكر بابه |
جميلة جدا يالهجير سلمت على ماقدمت
|
عاد الهجير وعاد الابداع صح لسانك مدد بلا عدد
|
تجف الأغصان وتذبل الورود وتقفر الأرض ومثلها قلوبنا...لغيابك وجودك ..غيمة ترش الرذاذ لتحيي فينا الأمل من جديد مرحبا بك ...وصح لسانك |
ما اجمل من روائعك الا ان تكون بيننا لنستمتع بكما معاً صح لسانك ومنطوقك وفكرك مع اطيب تحيه وتقدير |
اقتباس:
ما قدمت شي ! ولكن مرورك اعطى ما قدمته قيمه ياخي أحبك ( حب عذري ) لا تخاف |
اقتباس:
الإبداع في وجودك هنا صح بدنك |
اقتباس:
مرور يروي عطش السحاب تعطرت بك كل الارجاء تواجد لا يشبهه أحد |
اقتباس:
صح بدنك يالغالي والروعه في تواجد أخوه أفتخر في معرفتهم وانت أحد الذين أتشرف بهم لا هنت |
علـم أزهـار البنفسـج لا تخـون الساقـي مثـل مـا خانـه مـن أول توتـه وعنابـه.... تسلم لاعدمناك عدت الى المنتدى برائعه تغفر لك بين اخوانك غيابك الطويل. عساك على القوة دوم اختك بحوور |
| الساعة الآن 05:16 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع