![]() |
المطوع والتدخين
هذه القصيده اخر انتاج علي السبيه الغلبان
ان مريتم مشكورين وان طنشتم مشكورين
من مدة ولّعت السيجاره بعد ماانهيت الخصام=خصام من شان القصايد واختلاف القارعه جاني مطوع ملتحي في منضره خير وسلام=باين من اسلوبه معي يحمل شهاده جامعه وقام ينصحني يقول احذر ترى التدخين سام=انقذ حياتك من بلاه وشد حيلك واقطعه نصيحتي لك ياعلي ماهو عشان انه حرام=انا ادري ان الله غفور ورحمة الله واسعه لكن ياكم من سببه اورام تنشر في العضام=شرّه خبيث وعلّته منقود والله يقلعه اقوى من الخنجر بلاه واشد من ضرب الحسام=ياكم مدخّن من بلا التدخين يلقى مصرعه وشلك من التدخين سيبه واتركه ياابن الكرام=عاده قبيحه ماتفيد ولا وراها منفعه اتركه واعزم واستعن بالله وايام الصيام=واللي يدخّن لا يدخّن وسط بيتك واقرعه ماهي بصعبه تتركه لا سرت في حيلك عزام=لاهو بمايً تشربه ولا بزادً تبلعه وقلت اي والله صدقت ولا على قولك ملام=انا ادري انه سم قاتل غير ياكم نجرعه لكن ياشيخ المشاكل ماخذه فينا دوام=قال المشاكل ما تهدّيها شراره مولعه وقلت دعواتك لنا باالخير ياالشيخ الهمام=انا اشهد انك خير قدوه وانت ياقلبي طعه نصيحتك تاجً على راسي وعلى صدري وسام=والله يقدّرني بيوم اقطع شرابه وامنعه وغيّر الموضوع من نبله تواضع واحترام=وده يلطّف جوّنا وانا له اصغي واسمعه وقال علّمني قوانين القصايد والنضام=ياالشاعر اللي ما يضام وكل بحرً يشرعه وقلت انا دوبي عليمي والشعر فيه احتدام=ناخذ بيوم السعد حده دام في الدنيا سعه |
كبير يا ابو طلال بتواضعك وكبير بفنك وشعرك الله يبيض وجهك دمت ودام فنك ياالنشمي |
ابتسامة ساخرة
اذا كان الدخان يكيف رأسك ويعطيك الجو المناسب لبدع روائعك الشعرية .. فلا تسمع كلام المطوع .. خل الدخان يشب قلبك .. أهم شيء احنا نستمتع بقصائدك يابو طلال . ها .. لا تصدق .. اهم شيء صحتك safaqah صح لسانك وجاد بيانك على هذا النص الشعري الاكثر من رائع تقبل المزيد من الاعجاب بأسمك وبشاعريتك مع عاطر التحيااا |
اقتباس:
ومرورك يسعدني ويشرفني واعتبره تاج على راسي |
اقتباس:
وصح بدنك ياالنشمي ومرورك يسعدني ويشرفني واعتبره تاج على راسي |
مشكور على هذه القصيده الرائعة
وعلى هذه المحاورة الشيقة وجزاء الله ذلك المطوع خيرا فهو حريص على صحتك أما الدخان فنقدر نتركه بالعزيمة الصادقة وانا مجرب ذلك أدعو لي صار لي شهرين والله يكفينا شره ومخاطره |
اقتباس:
وشكرا جزيلا لمرورك الكريم |
الله ...الله
كلام من شاعر حكيم وأدعوا الله أن يتوب عليك من الدخان والله يعينك ويكفيك من شرّه إن شاء الله .. وصدقني يابوطلال لا تركته إن شاء الله سترى تغيِّر عجيب في حياتك وصحتك ..تكفى حاول تتركه وأعزم واصبر وانا اخوك فالعزيمه والصبر من صفات الرجال وأنت نعم الرجل .. صح لسانك وعلا شانك على هذه الرائعه كعادتك ... |
اقتباس:
علينا ويقدرنا على ترك الدخان ماشفنا منه الا البلا |
[table1="width:95%;"] | [/table1]ابداع الشاعر علي السبيه سلمت ولاهنت |
الساعة الآن 03:04 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع