يا بنت باقي بدري انك تحبين=وشهو له الحب دام عادك صغيره
دامك صغيره ليش تبغين تشقين=والعمر قبلك والمحبه ضريره
على جحيم الحب ماظن تقوين=اخاف قلبك ينحرق من سعيره
صحيح بنه دايماً باوله زين=همسه ولمسه وابتسامه وغيره
لا يخدعك ضحكه وبوسه وتلحين=القلب يعشق واي كلمه تثيره
الحب ناره تحرق الزين والشين=ونتي غشيمه والليالي مريره
عيشي حياتك واتركي الحب بعدين=ترى ابتعادك عن هوى الحب خيره
يابنت باقي بينك وبينه اسنين=قبلك مسافه لا تقولي قصيره
خليك حتى عن خفى الحب تدرين=حتى تصيري بالمحبه بصيره
في وقتها يمكن تحبين ذالحين=لامن كبرتي واستويتي كبيره
يابنت انا خايف يجي يوم تبكين=تقلين مبغي اسمع عن الحب سيره
ما دام باقي بدري انك تحبين=وشهو له الحب دام عادك صغيره

المشاركة الأصلية كتبت بواسطة همسة شوق (المشاركة 350721) صح لسانك وسلم بنانك ولاهان منطوقك... كلمات اكثر من راائعه يعطيك الف عااااافيه على الطرح المميز باانتظار جديدك المميز دامت انفاسك وعروق قلبك ودام نزف قلمك الراائع.. تقبل مروري .... لاهنت......//

المشاركة الأصلية كتبت بواسطة علي السبيَه (المشاركة 350756) لا جديد سوى الابداع الذي يتجلا في كل قصايدك ياابو عبيد صح لسانك مدد بلا عدد ولا هان منطقوك وتم التنسيق

صح بدنك ياعلي وبيض الله وجهك
الف شكر على التنسيق والمعذره تراني اشغلتك لكن وش اسوي ابى يظبط معي التنسيق


كل عام وانت بخير