ورى الشاشه ترى تحفه تجمّل شاشة التلفاز=وكم قطعه من السكر تذوب بداخل اقزازه
انا لوقلت بااوصفهم لهم وصف الغلا ينحاز=وصوف الكوكب الدُرّي ووهج النور وشرازه
وصوفً بالغه تجهز على القلب الرهيف اجهاز=وتنهب عقل شايب ما يسير الا بعكازه
لها تعبيرها المطلق ويبلغ قمّة الاعجاز=جمالً سرّه المبهم تتوه ابعالم اللغازه
شفايف تجلب السكرات فيها الخمر والشيفاز=وصدرً كنه الديباج والنهدين مركازه
رموشً تامر وتنهي وعاشق نفّذ الايعاز=وكم من رمحها القاتل طريحً قلبه اجنازه
وجسمً مثل غصن البان فيه الوصف مايعتاز=يطرّز باالذهب واللول والياقوت بروازه
يزين صدرها العقد الذي من وارد القزاز=واصابعها تزينها من الختم والمازه
غزال الشاشه الفضيه تحسب للاثير انجاز=تعلا فوق هام السحب حتى البدر ما نازه
وغير المخرج المحظوظ من جمع العرب مافاز=برامجهم لها معنى وفي التقدير ممتازه
الى من شفتهم قلبي يجيه النفض والهزاز=واحط ايدي على قلبي عسى ماجاه يجتازه
وانا لو بااشرح التوصيف باالتفصيل والايجاز=مجرد شاعرً هاوي ولا لي عندهم عازه

صح لسانك...وسلمت ايدينك

قصيدة رائعة...وبنيات يستاهلن