.=
لقيت روحي بصحراء شبه معزول=ما للفضاء والرمال أول ولا اخر
ماكني الا مريض(ن) صار مشلول=ما له مداوي ولا خل(ن) يسامر
ماغير أمد النظر بالعرض والطول=واهني الريح والطير المهاجر
أحيان أقول انتظر والامر محلول=غير الحياة في خطر وشلون أغامر
واحيان أكلم سراب البيد واقول=ودي أغادر ولكن كيف أغادر
مابين هذا وذا وطلوع ونزول=إلا وصوت(ن) ينادي يالمسافر
رديت يامرحبا ياعز مرسول=من صاحب(ن) ماتبدله المظاهر
اللي ليا قال يتبع قوله فعول=واللي ينافسه بالمدات خاسر
ماهوب من صاحبك محفول مكفول=ووقت فقرك نسي ماضي وحاضر
الدرس معقول والا غير معقول=عرفت منه المناضر والمخابر
ان ماعجبكم قلوا مجنون مهبول=هذا اللبيدي يهذري باسم شاعر
واذا عجبكم قلوا جيد ومقبول=يمكن صحاري الضما تنبت مشاعر

عبدالله
ماهو غريب عليك الإبدآع ماشاء الله

لافاض فوووووك ولاهنت

تقبل تقديري واحترامي يا شآعرنا

نقول ابداع لا يضاهيه ابداع وامتياز مع مرتبة الشرف صح لسانك يالبيدي
ياحاكم القاف والمعنى ابدعت في نضم هذه المعزوفه الرائعه يارائع


في هذه البيتين يتجلا الابداع في اجمل صوره والقصيده
عباره عن لوحه فنيه رائعه صح لسانك يالبيدي مدد بلا عدد