مزيان بالزاف
7
7
بقلم ابو عبيد
7
7
7
7

سبحان ربي فـرّق النـاس بانصـاف=لكـل واحـد بيـن خلـقـه دلالــه
واحد من اول نظرتـك فيـه ينعـاف=لا خير في وجهـه ولا فـي خصالـه
واخر تشوفه نظرتـك فيـه باخـلاف=يعجبك شكلـه غيـر تحـزن لحالـه
وانا لمحت اللي احسبه كامل اوصـاف=كن الحلا والزيـن جـت لـه لحالـه
في مشيته بين البشر كبـر واجحـاف=ودك تجي خلفـه تعـد الخطـى لـه
تحسبه في نعمه ليـا شفـت الارداف=ون شفت خصره قلت باعطي الزكاه له
يطرحك ريح العطر لن مر ون طاف=بالغصب مـو بالكيـف تتبـع خيالـه
يلقي بنظراته على الناس مـا خـاف=والنـاس حولـه ودهـا فـي دلالـه
قربت انا منه وجسمـي بـه ارجـاف=ليـن استقـرت بي شجوني قبـالـه
قلـت التحيه..قـال مزيـان بالـزاف=اخلص وقلي وش تبي في عجاله
قلت التعارف..قال ما عندك اخلاف=هات الرقم وارقب يجيلك رساله
ولامن دعيتك يا حلو مر صراف=ترى التفاهم بيننا من خلاله
في وقتها عقلي رجع بعد ما صاف= اثره من ارذال البشر والحثاله
واثر الدلع والغنج به لاجـل ينشـاف=واللـي خفيـف العقـل ينثـر لمالـه
سبحان ربي فـرق النـاس بانصـاف=لكـل واحـد بيـن خلـقـه دلالــه

والله يابوعبيد انت الي قصيدتك مزيانه بالزاف

بس عاد زين غلب عندك صوت العقل ياشاعرنا

لله درك شاعرنا