/:: قصيدة وقصة بدع ورد الكناني ::/
 

السلام عليكم ورحمة الله وبركاته
بسم الله الرحمن الرحيم

حبينا نجدد العهد و نتحفكم بكل ماهو جديد و عسى ان نكون قد حزنا على رضاكم ::

القصيدة هذي لها قصة طول الله في اعماركم .. قرر الكناني في يوم من الايام ان يشتال نفسه و عزبته وسلاحه وان يتجه الى احد الوديان بالمنطقه لغرض القنص و الصيد والتسليه تعرفون الدنيا تجيب الهم و النفس لازم لها من ترويحه وتفكيكه اللي جرا بالموضوع طول الله في اعماركم وصلت الوادي و في طريقي الى مكان تكوتي ومركازي المعتاد قابلت في طريقي رجل معلق الذبيحة و شاب القبس و و و .. المهم اني سلمت على الرجال وتعديته ويعد مسافه ما يقارب نصف الكيلو و اقابل عجوز و نفس الطريقة معلقة الذبيحة واللي شد انتباهي ان الذبيحة اللي مع الرجال نفسها مع العجوز و الضيع و القدور و و و المهم سلمت عليها و تعديت وصلت مركازي نزلت عزبتي و سلاحي و و بقية الاغراض المهم سويت الشاي و تكيت شوي وإلا اشوف لي رجال مقبل علي سلم و جلسته معي شوي والتفت وراه واذا بين يديه صحن فيه نصف الذبيحة الاوله حلف علي واصر علي اني اشاركة الغداء داهنته و يمين يسار المهم لين صرفته و ما اكلت معه و كبس النعمة الرجال حذف بذيك القدور معه المهم و جرى مع العجوز نفس الطريقة المهم واثناء ماكان الرجال معي جرتنا السوالف على القصايد و لا لينا شوي قال شكلك تقصد انته قلت والله على قدي اترفق بها يمين ويسار قال هاك البدع ذيه و رديت عليه والرجال اسمه علي السبيه << :clap: امزح الرجال اسمه علي بس رفض يعلمني بديرته وقبيلته ..

وهذي هي القصيدة :/



البـــــــــــــدع / علي

يا عبدالله وشب قلبك ما يراعـي الحــب والاشعــــــار
ليش عنيت القلوب اللي يزيد ابها العتــب والمعنــــى
حسبك الله حتى انا لا من قريت الشعر بسمــك ذوب
خاف ربك في قلوب اهل الوفا من جوركم و الضلما
و المشاعر و الوفا في قلبك اخيوطــــن مغزلــــــــه

الـــــــــــــــــرد/ الكناني

يـا علــي وش قــرب الخطــلان للشعــــار والاشعــــار
كل يوم يزيد شاعـر فــي ملاييــن الشعــر و المعـنـــى
و المصيبه ضعف ذاك الرقم مالشعار بس مكــــــذوب
صحصحوا ياهل العقول النايمة و اهل العقول الضلما
الشعر من سقيـة الجـن مـا هــو مـن هَـذيَ المغزلــه

:: اتمنى الا اكون قد اثقلت عليكم ::

..:":.. دمتم في حفظ الباري ..:":..

اخوكم// الكنانــي عبدالله

كل يوم يزيد شاعـر فــي ملاييــن الشعــر و المعـنـــى
و المصيبه ضعف ذاك الرقم مالشعار بس مكــــــذوب


صح لسانك ملايين يا الكناني هههههههههههههه لكن ودي اسئلك هذي البيتين سبب القصه والا القصه سبب للبيتين .تقبل احترامي وودي ودمت بخير

ياسلام يا سلام
على طريقة الكبار
صح لسان من بدع ومن رد
موفق بإذن الله ... لك مني أجمل تحية .

صح لسانك ياعبدالله

ههههه حياك الله يا نديم القوافي ومرورك اسعدني وابهجني ..

اما سؤالك فانا اقول (( القصة والقصيدة منك واليك والسلام عليك .. ))..

الكناني

صح بدنك الله يسلم قلبك وروحك و مرورك شرف طال عمرك ..

الكناني

صح بدنك يا بن خضران ..

حياك الله اخي الموج وصح بدنك ووينك يا رجال غايب و الله لك وحشة ..

شرفني جدا مرورك ..

الكناني