أكاديمـيـة العرضـة الجنوبيــة - ربـاع - "" على هامان يافرعـــون ""

"" على هامان يافرعـــون ""

غريبه منك تلعبهـا علـى هامـان يافرعـون
بلاش مـن اللعانـه لعبتـك هامـان خابرهـا

توافقتوا على المبدا تخالفتوا علـى المضمـون
وكـلٍ قـام فـي راسـه يكبرهـا يصغرهـا

نقول العيب في الجمره تقول العيب في الغليـون
ونبلـش فالقضـيـه ماتدللـنـا محـاورهـا

غريب اطوار لاصاحي يسمونـك ولامجنـون
نصدرهـا توردهـا نـوردهـا تصـدرهـا

بلاهامان يافرعون مهما رحـت مالـك عـون
عصا موسى على راسك بحـول الله يكسرهـا

بعد عقدة لسانه حلهـا ممشـاه مـع هـارون
ياويل ارض الكنانه ويـل كاهنهـا وساحرهـا

يحق الحق والباطل زهـق والمعتـدي *****
وعجل السامري مـع قـوم ينهاهـا ويامرهـا

على غيك مشيت ودون ظلك عصبـةٍ يمشـون
تسيرهـا علـى شـوك الكتـاده ماتخيـرهـا

جزاك البحر تغرق فيه واللي معك ما من لـون
ليـا شافتـك جثـه هامـده هلـت عبايرهـا

تموت ولايغير موت مثلك شـي فـي هالكـون
وتحيا والبشر تخمش يديك بـروس اظافرهـا

عرفت انك ضعيف ولانت لافارس ولادنـدون
ماغير الكبر غرر بـك مثـل قـومٍ مغررهـا

تحسب اني مثل من جاملوك وعاملـوك بهـون
لا والله ماهقيـت وهقوتـك مانـي مقـدرهـا

أنا راسي عليه رعود وبروق ومطر ومـزون
مطلات النجـوم أسلـب مواقعهـا واطيّرهـا

وانا ماتابع المقفي ولانشـد حالتـه وش لـون
يجي ويروح ماكنـه خِلِـق طوعـا ولاكرهـا

وانا ادري وش عليّ وويش ليّ وماقفي مامـون
ماتخدعنـي مظاهـر قـوم هافيـةٍ مخابرهـا

وانا ماتجاوز حدودي ولاتمرد علـى القانـون
ومن يخطي عليّ اكحل عيونه كحـل يجهرهـا

ولو ينسف بحر(ايجه) ولو ينشف بحر (سيحون)
تجدني بحر بحارتـه يسـرف فـي بواخرهـا

مالومك يوم تجهلني يابو راسٍ بـدون عيـون
ليا جاك البكا تيبس دموعـك فـي محاجرهـا

تشوف الخيل تحسب سر طنختها من الافيـون
عسى الافيون يحقل حيـث ماتاطـا حوافرهـا

وبن شداد مات وكان في راسك تحـس قـرون
عليـك الله وامـان الله قرونـك لاتغبـرهـا