البنـات مـن الـريـاض الـلـي حكايتـهـن حكـايـة=
أهدروا لي دم قلبي واشعلوا في الـراس شيبـي=
البـدايـة فــي النهـايـة والنهـايـة فــي الـبـدايـة=
تشرق الشمس وتغيب وتشرق الشمس وتغيبـي=
جمعـت فحـشـا عـلـى منـكـر وسمتـهـا روايــة=
تصنع من الذيب حمل وتصنع من الحمل ذيبـي=
دون حــد الاحـتـراف ودونـهـا حـــد الـهـوايـة=
بابعد من ابعد بعيد وباقـرب مـن اقـرب قريبـي=
فــي شريعتـهـا زواج بــدون مـهـر ولا ولايــة=
ذيـك عداهـا القطـار وذيـك مـا جاهـا النصيبـي=
وذي تقول ارضى بكاين من يكـن يطلـع معايـه=
احتفل به واكتفـل بـه شـرط مـا يطلـع خطيبـي=
وذي تقول أهتك شرف نفسي واشهر به نكايـة=
في أبوي وامي وعمي وأخـوي وفـي خطيبـي=
صــورت هــذا البـلـد للعـالـم الـغـربـي مـرايــة=
الثمامـة تعكـس الصـورة مـن البحـر الكاريبـي=
ما دري ليش تفوح من صفحاتها ريحة وشاية=
خبـث صهيـونـي مغـلـف مرتـيـن بحـقـد ليـبـي=
أنشهرتـي يـا رجـا الصانـع بـمـا فـيـه الكفـايـة=
إنـمـا ظـنـك وظــن اكـبــر شياطـيـنـك يخـيـبـي=
الريـاض الـرايـة الخـضـرا تـحـدت كــل رايــة=
واقـفـة بـالـنـد والـمـرصـاد لـلـغـزو الصلـيـبـي=
دار ابـو متعـب وابـو متعـب تسلمـهـا وصـايـة=
من فهد من سالف أخوانه مـن الجـد العريبـي=
أصبـح أول مـن رمـاك الـلـي تعلـمـه الرمـايـة=
واصبح أول من طعنك أخوك ماهـوب الغريبـي=
يـمـكـن الإرهـابــي التقـلـيـدي يـفـجــر بـنـايــة=
والا يطلق في الهوا طلقة تصيب أو ما تصيبي=
لكـن إرهـاب العقـول أحــق وأولــى بالرعـايـة=
والسهام اللـي تصيـب الفكـر مضربهـا عطيبـي=
هــو صحـيـح ان الـروايــة رجعـتـنـا للـقـرايـة=
ميـر جـرح سوتـه فـي القلـب لا يمكـن يطيبـي=
وفــرت بأسلوبـهـا المـقـذع تكالـيـف الـدعـايـة=
ولبستك البشـت بالمقلـوب يـا غـازي القصيبـي=