ذات مساء جاءت بهذا الخجل و تناثرت في كل مكان

ألو ألو مين ؟أنا اللي مين و إلا أنتي=هذا رقم ماجد أن ما كنت غلطانه
خالد .. أنا قلت ماجد تو ما بنتي=كذا! علامك تراك تكلم أنسانه
قدرك على الراس لكن لو تبينتي=ما ضاع منك رقم ماجد و عنوانه
تبغى الصراحه ؟ و أحب الصدق لا هنتي=بس أنت زعلان ؟لا ليش أنتي زعلانه؟
مدري زعل أو حزن أو وحده احسنتي=و فوق هذا و ذا دقيت طفشانه
عموما اوعدك ما دآمك معي لنتي=ل أزرع بقلبك فرح و استخرج احزانه
صوتك وله نغمه امن أول ما دندنتي=غنا لها خافقي و أستعذب الحانه
ما هو تودد و ما اقول أنك اسكنتي=في داخل القلب واحتليتي أركانه
لكني ادري طعنتي مثل ما اطعنتي=لحظة عبث لابسه وسواس شيطانه
مين أنت ؟انا شايب ن مسكين يا بنتي=ما عاد لي في قلوب أهل الهوي خانه
عمرك ثلاثين ؟ وأكثر حيل دونتي؟=أكيد والخيل مل الركض ميدانه
حبيت؟ طبعا كثر ما أخلصتي و خنتي=بكثر فصل الربيع و كثرة ألوانه
صدق أنت خالد؟ ما كنك تسلطنتي=أخذتي أكثير و آناديك يا فلانه
أسمك و عمرك و هات الطول بالسنتي=بس لا تقولين بنت أشيوخ سلطانه
معك تعاونت و أنتي ما تعاونتي=أحكي و تحكين و دموعك على شانه
خلك من اسمي... نعم؟ وش فيك هونتي؟=لا بس.... أنا عارف أنك حيل ولهانه
لـ أنسان ما صان عشرتكم و لا صنتي= أسمه طرف شفتك و أسمك على ألسانه
أنتي ابتدعتي معاي الحرب و أعلنتي=معى جبل يحرقك لو ثار بركانه
من بعد هذا الكلام الظاهر آمنتي=أنك مثل طايرن مكسور جنحانه
تدرين لو كان خليتك تملعنتي=ما كان عضيتي آصابعك ندمانه
بلاش تتمسكنين أن ما تمكنتي=أخذك للبحر و ارجعك عطشانه
ألو ... ألو .. هـــاهــ .. يا بنتي تطمنتي؟ =أحــم أحــم أنت شايب تطرب ألحانه