يانعلبو الفقر لا يرحم ولا ياوي=راع الفقر طول عمره مظلم(ن) داره
الفقر شرّه عطيب ولا له امداوي=يهون بيت الفقر حتى على جاره
فقير والفقر حمله من له ايقاوي=يقص ضهر الذي يتحمّل اوزاره
كلن يلقّيه ضهره ماله ارجاوي=حتى اقرب الناس مايدري عن اخباره
يمسي يقلّب هجوس الفكر ويلاوي=ويختفي عن عيون الدين بنهاره
ياكم ليالي يبات ابحسرته طاوي=يتالي الزفره والاوهام سمّاره
في جوفه النار توقد جمرها الضاوي=يهجم عليه الفقر غاره ورى غاره
ماله من الناس من يصحبه ويخاوي=تجري عليه الصروف وتكشف اسراره
والرزق ماكان بين الناس متساوي=في طلب الارزاق كلن حث مشواره
ماهو بطول الذراع ولا الذي هاوي=واهل المكاسب غدو للسوق تجّاره
مايندم الا الذي عن سكته غاوي=والسوق يلعب على الحبلين شطّاره
المال يرفع بقدر الخاوي الجاوي=والفقر ذل العزيز وهان مقداره
تجفّ الاوراق لو ماجا لها راوي=لو الضماء صاب ديره يقتل اشجاره
وش في ديار الفقر ياذيب ياعاوي=حتى ثراها يصالي بااللّظاء ناره
لو كان باالنّيه كلن للغنى ناوي=لكنه الرزق بيد الخالق اقداره

المشاركة الأصلية كتبت بواسطة امير القلوب (المشاركة 291422) صح لسانك والله يغنينا بحلاله عن حرامـه

المشاركة الأصلية كتبت بواسطة نديم القوااافي (المشاركة 292576) صح لسانك يا ابو طلال وانت غني بدينك وبثقافتك ووعيك اشكرك على ما سطرت .. واسمح لي ان الطش القصيده لمنتدا خاص بقريتي ههههههههههههه لا تخاف ما بحطها باسمي لانه بيفضحني قل بصري مع ما تكتب

المشاركة الأصلية كتبت بواسطة ملك الليل999 (المشاركة 292590) مانقدر نطنش مثل كلامك ياابو طلال كلام في منتهى الرررروعه عسى عمرك طويل صح لسانك وبيض الله وجهك

المشاركة الأصلية كتبت بواسطة د.ليل الوعد (المشاركة 292932) ابو طلال صح السانك وبيض الله وجهك يا شاعر الاجيال والجمال قصيدة من روائع السبيه عسى الله يرعاك