ياابدويه كلما ناديت بااسمك ياابدويه=تلتقي كل المعاني والحروف الابجديه
النجديه اللي رقت بين الكواكب واستقلّت=نور مابين الثريا والثرى لمعه وضيه
لا اشعلت شب الوجار ونارها في كل خيمه=وفناجيل القهاوي والدلال الشاذليه
ضيفهم مقبل وقبله مرحبا ياضيف حيه=والمهلّي ما يولّي رد ضيفان(ن) وفيه
حُرّه بنت احرار اصيله ماتغرّرها المضاهر=عندها ما للمضاهر والمياعه قابليه
عمرها خيمه ودنياها الصحاري والبوادي=والهجير وبارد الجو والرياح الموسميه
بنت عن مية رُجل بنت الكرام اهل المكارم=كانت للصحراء عمار وكانت للدنيا هديه
تاتحلاّ باالمذاهب والصفات اللي حميده=للبوادي الواحه الخظراء والاوراق النديّه
البريه من ذنوب اهل الحضاره والتكلّف=طاهره في خُلقها طهر المياه الصافيه
صابره صبر الجمال وثابته ثبت النوايف=هي على الدنيا معونه يوم صكات البليّه
وان ذكرنا حسنها تعجز عنه كل القصايد=حسن ربّاني وسبحان اللي اكرم باالعطيه
خفة الدم والجمال اللي يزود عن الخلايق=وصفها فاق الخيال ولا بعد تلقون زيه

المشاركة الأصلية كتبت بواسطة امير القلوب (المشاركة 281379) صح لسانك اخوي علي

المشاركة الأصلية كتبت بواسطة مشعل (المشاركة 284572) كعادتك استاذي على السبيه من أبداع لابداع سلمت يمناك ولاهنت على هالقصيده الرائعه