والله لا هبه عبره في حياته لمن لا يعتبر ...
 

السلام عليكم ورحمة الله وبركاته

هذا بدع بسيط اتمنى ان يشرفني احد الاخوه الشعار برده وسلامتكم ...




انتبه لاتجــيب الكلمه الصــعب لك لو ناس ابوك

آني آميــز آنا كــلــمتي شــين والا نـاس ابونــي

وســيوف العــدا والــضلــم في دارنا مابي تـحـــد

وش علينا من الملقوف لو مات خير ومات شره

والــغني يارفــيقي لا تــصـدق ولا تــشـره علــيه

والله يامن يـكايــدني بعـلم الــردى لا شب كــيــده

والله لا هبــه عــبره في حــياته لمـــن لا يــعتــبر

هذا ردي المتواضع ياستاذي وأقبل الميسور طال عمرك ولك مني جزيل الشكر والتقدير

الـــــــــــــــــــرد
كان أبويه يقلي لاتشره مع اللي ناسبوك
عشت قبلك وشفت الخير والشر فالي ناسبوني
ماحداً قد قصر عني مودة وأنا مابيت أحد
أحسب احساب كل اللي يبيصير قدام آتشره
قبل مايشره الصاحب علينا ولانشره عليه
والذي مد لي يده بمدة ردىيأشبك أيده
وأجعله يعبر الدرب الذي تالفاً مايعتبر

يابن سلمان شكرا على ردك ولاكن استأذنك في هذا الرد وماهو نقص بردك لا والله لاكن في موضوع بيني وبين شاعر المعنى وحطيت له هذا الرد ولكم الخيار في حذفه او ابقائه
"""""""""""""""""""""""""""""""""
ياعلي روح واتوكل على الله لهم لو ناسبوك-
وآنا بآروح واتوكل على الله لهم لو ناسبوني-
وعن دروب النجاه ياولد خضران انا مابي تحد-
وانتبه لاتشرهنا معاهم ترا انا ماتشره-
والذي مثلهم ياولد خضران لاتشره عليه-
واللي يخطي يابن خضران بالسلسله
لأشبك ايده-
كن درب النجاه والخير جايت لمن لايعتبر-

صحت السنتكم .. يا النشاما
وارى ان هناك عتاب والعتاب دائما يكون مابين الاحباب والباقين على الصداقة

وقديما يقولون من باع صاحبة بسابع زلة باعه رخيص

تحياتي لقلوبكم العامرة بالمحبة

صح لسانك يابن سلمان على هذا الرد عشت ياطويل العمر

والله انك كفو ياطويل الذراع ....

صح بدنك يابو احمد وجمل اللله على حالك على هذا المرور..

للتوضيح في هذه القصيد انا امس صار بيني وبين احد

من جماعتي في احد المجالس سوء تفاهم عن امر ما امام مراى

الرجال الحاضرين ...

فتحمست ان اخرج مافي صدري وبالفعل قلت هذه القصيده

وقلت مالها الا رجال وشعار رباع بالرد

وسلامتك يابو احمد

صح لسانك ياسفير المنتدى

ردك وافي يالوافي ماجى منك قصور يعلم الله لأسعدتني بردك

والسالفه وانا اخوك مجرد ضحك وسواليف الله يبارك فيك يالمبدع