لو يجوز الشرح في كل المعاني=كان ماخليت معنى ماشرحته
والضمير اللي انذبح من كف جاني=لا تحملني بذنبه ما ذبحته
حالي اللي يشتكي ظيم الزماني=ماتسامحني ظروفي لو سمحته
اطلقو للهاجس اقيود الاماني=يكفي ان الغبن غربلنا بوقته
ثم يكفي ثم يكفي ما نعاني=في محيط الموت ماعمري برحته
لو تركت الشعر مابان البياني=لو تلعثم هيض حرفي ما نطقته
والقصيد اللي رثيته ما رثاني=ابلغ التعبير في همسه وصمته
ما نكرتك ياالمكان اللي رباني=ولا نكرني يوم غلّيته وصنته
لو كسرت القوس سهمه مارماني=لو غرست الرمح في قلبي طعنته
اكذب الاحساس الى منه نساني=والصدوق اللي احتواني لا ذكرته
دام هاالدنيا قدر والعمر فاني=ليش مااحقق لعيني حلم شفته
عقرب الساعه تسابقه الثواني=والزمن ماينتضرني لو نضرته
ولحاف الوقت الاقشر ما غناني=مايدفّي برد عمري لا التحفته
كيف اللبّي الصوت الى منّه دعاني=والصدى مااميّزه لما سمعته
كيف تسعد دنيتي والحظ شاني=والامل نجمه بعيد ولا وصلته
والظلام ارخا سدوله وابتلاني=من تغيّبه الليالي ما كشفته
كن عين الشمس يااهلي ماتراني=والشعاع اللي يبين الدرب طفته
جفّت الارياق واتعقّد لساني=حتى نضم الشعر يعصا لو نضمته
والجفاف ارهى وقوته واعتراني=لي رفعت الصوت من غلبي وصحته
لو شربت البحر كله ما رواني=ما رواني الا الزلال اللي شربته
لو عسفت الخيل بيدي ما عصاني=ما يهوّد من جموحه لو جمحته
غير كيف اعمل بوقتي لو طواني=لين ضيّع لي شبابي ثم شبته
عزف اوتاره وغنى دان داني=حالنا مزري وغيبه ما ضمنته
حرّر اقيود الجواري والغواني=والحياء ياوقتنا الجاري سلبته
ارخيت الابطال واعليت الجباني=وانا حاسبني بلا ذنب اقترفته
كم مسحت الدمع بااطراف البناني=وكم بعد من دمع جاري مامسحته
ماورى توه العقول الا الجناني=والندل مارد فايت لو ضربته
سرت اعزّي الحىّ في دنيا الهواني=والذي مدفون في قبره غبنته

............................
صح بدنك والله يعافيك

............................................
حىالله لمسة الفن والذوق الرفيع
شرفتي القصيده بمرورك العذب الحلو

.................................................. ...
حىالله اخونا واستاذنا عبدالله الكناني
مرورك شرف وفخر للقصيده وصاحبها

.................................................. .............
صح بدنك عدد ماغردت الطيور وتمايلت الزهور
واشكرك لك مرورك الكريم وردك الرائع