ماكنت ملاح ولا كنت بحار=
مسافر في بحر صعب قراره=
هذا البحر موجه يودي للاخطار=
اخاف من موج البحر واقتداره=
وابني مزارع ياهلي هي بالاحجار=
أبني الجدر وتطيح منه الحجاره=
حاولت أبني الجدر واكون نجار=
ظاع الأمل خربت تلك النجاره=
ياناس خانتني الصناعه والافكار=
خاب الأمل في صنعتي ياخساره=
احاول اطلع تاجر ادير الافكار=
خسرت راس المال وين التجاره=
قلت اشتغل واكتب صحيفه للأخبار=
واصبح رئيساً للقلم بالأداره=
قالو طلع في صفحة اليوم معذار=
ماهو مجالك والصحافه شطاره=
ضاقت علي الارض حيران محتار=
تعاكس الدنيا بكل المراره=
ياويل من يمسي من الدين منهار=
مضيعاً للدرب ضيع مساره=
يسهر طوال الليل غلبان سمار=
يحسب عباد الله مثله سهاره=
ياخوي لاتجعل مصيرك للأقدار=
كن واقعي شوف العمل وانتشاره=
شوف العمل ماهوب عيباً واضرار=
أعمل تكون متفوقاً بالجداره=