شعر محمد سالم المعلوي
 

السلام عليكم ورحمة الله وبركاته

ماعليش على الانقطاع بس والله مافضيت بس أذا فضيت أخش ورد كم رد وحط كم موضوع وطلع

واليوم جبت لكم شعر للشاعر محمد سالم المعلوي أنشاء الله أنكم تعرفون الشاعر هذا < غزال ضباء>



اللي غمز لي بعينه في تقاطـع ضبـا
افتز قلبي لشوفه واحسبنـي اعرفـه
ذكرني اللي مضى لي يوم وقت الصبا
حسيبي الله على الغرمول يـا ملقفـه
قربت لـه هامسـا ً بلحيـل متعجبـا
بالله يا صاحب البرقع متى المعرفـه
وقال يا صاحبي جيتك وعنـدي نبـا
مير افهم القصد والموضوع والسالفه
قلت أعترف بالخطأ والذنب يالمذنبـا
تغمز وتلمز من اليومـه بليَّـا صفـه
وقال في مامضى يوم كان لك صاحبا
واليوم مرسول صاحبكم تبـا تحذفـه
وقلت يابو عيون ٍ سـود يـا مرحبـا
قلبي له أوتار حساسة تعـال أعزفـه
عطني علوم الغضي وابشر وقل ماتبا
الموت قرب على الرجال مير أسعفه
عجَّل عليـه دخيلـك ياشبيـه الضبـا
عطني تفاصيل علمه وانتبـه تحذفـه
وقال صاحبـك فـي غيبتـك متعذبـا
والدهر جاير عليه ولااسعفه وانصفـه

وهذا رد على الشعر اللي كتبه محمد سالم المعلوي في أحد المنتديات


الله الله

العذر العذر يالمعلوي ياولد العم 000 تاخرت عليك 00 والله توي شايف هالقصيده الرائعه

عز الله ان حقال قريب مني 000 لكن العتب على النظر

وجيت ارد 000 والعذر على القصوور





ابليس كم يغـوي العالـم وكـم يلعبـا
وان شاف له عابدا يرقب متى يلقفـه ؟
ولا يفكـه يكـون الا بعـد ينشـبـا
من بعدها يندم العاقل علـى اتصرفـه
وانته عزيزا ولك ديرة ولـك منسبـا
يوم ان بعض القبايل موقـف يوسفـه
حـذراك لاتقلـب الطيـب ولا تذنبـا
وارفع بنفسك عن اهل الشك واللفلفـه
وان كان لك قسم في عمدين والا ربـا
ماحد من الناس غيرك رايحـا يلخفـه
وان كان مالك نصيب اسكت ولا تشجبا
مالك في الحظ لا ربعـه ولا ناصفـه
اهـم شـي سمعـة الرجـال لاتقلبـا
وان مد رجلـه فيجعلهـا بقـد ألحفـه
هذي نصيحه على المكشوف ماهي خبا
لاترقب الا لمطـلاع التمـر واقطفـه


والسلام مسك الختام

والله شئ رائع البدع والرد

صحت السنتكم

شـكــ وبارك الله فيك ـــرا لك ... لك مني أجمل تحية .

قصيدة جميلة بدع ورد بارك الله فيك يالنشمي

مشكورين على المرور

الله يعطيكم العافيه

نورتوا الصفحه