كئيبه ليلـة البـارح تـوارت بإنكسـار أثنيـن=
=أنا والقلب من غلطه ماهي من ضمن غلطاتـي
عبث منها بدون أسباب تشلع مهجتي نصفيـن=
=وأنا في عشقها حتى حرمـت العيـن غفواتـي
رجاء لاتشيلين العتب كـان الهـدف حرفيـن=
=إذا ماتعرفيهـا مـو خطايـه أسمعـي الآتـي
على ذاك الطريق المنتمـي للشـك والتخميـن=
=مشيت وياكثـر مابعثـرت فالنـاس نظراتـي
أناظر فالوجـوه وفالملامـح طيـب وبعديـن=
=أنا من وين الآقي لك طريـق يحـث خطواتـي
أقول هناك لايمكن هنـا يمكـن هنـاك تبيـن=
=شعاع الضي وإشراق الأمـل وتلملـم شتاتـي
رسمتك حلم غايب عن حياتي من يجي عاميـن=
=لقيتك علـم وأيدينـك تعطـر كـل صفحاتـي
وجيت أنثر لك أحساسي وشوقي وإحتراقي لين=
=تركتك في وضوح تشوف حزنـي وإنكساراتـي
أبيك تحس في همي وتلمـس رعشـة الكفيـن=
=أبيك تحس في وجدي عليـك وجمـر زفراتـي
لإني كنت أحسب الحظ مثـل سهيـل للساريـن=
=سريت ولا لقيت سهيـل فـي كـل أتجاهاتـي
لقيتك للأسف جامد ولاتـدري وصلـت منيـن=
=وقسوة قلبك أسقتني جفـاك المجحـف العاتـي
فمان الله برحـل والجـروح تعانـق السكيـن=
=بسافر بالألم من شان ما أرضخ لأجل رغباتـي
( أبرحل ) عنك وأترك لك حكايه داخل القوسين=
=تمتـع بعدهـا باللـي تطولـه مـن معاناتـي
مصير الشوق يعثى في حنايا مهجتـك وتليـن=
=بوقت فيـه يابعـدي عليـك وصعـب جياتـي
أنا يوم أشتكيت من الولع ومن السهر والبيـن=
=ظننت إنك تحـس بثـورة أوجاعـي ولوعاتـي
أثار الشوق مايرحم ونار الصـد عـن ناريـن=
=كواني جمرها الحارق وأنا في غمرة أسكاتـي
عشان أني صبرت تزيد جرحك فالحشا جرحيـن=
=ونا ماكنت أظن الصبر يخلـف فيـك هقواتـي
أبصبر لين يشكي الصبر من صبري وبصبر زين=
=واروح بعيد وأدفن صرخـة أحزانـي وآهاتـي
على الله والجروح اللي بقلبي عن ثلاث سنيـن=
=عسى ربي يخفـف نزفهـا وتجـف دمعاتـي
ولكن لـو تلاقينـا وخانتنـي دمـوع العيـن=
=تري ماهو بكاء هذا عتب ذاتـي علـى ذاتـي

المشاركة الأصلية كتبت بواسطة علي السبيَه (المشاركة 148811) الله على هذا الابداع قصيده رائعه وراقيه ومن اجمل ماقريت من القصايد صح لسانك ملايين ياصفى عجلان