ياشوق تكفى دخيلـك رح وخلينـي=او مر صدر الـذي روح وخلانـي
تشبنـي بـك ولا تقـدر تطفيـنـي=وابكي لك الدمع من عيني ولا اطفاني
حتى في النوم مـا تقفـي وتلفينـي=لذيذ نومي معـك ماضـن يهنانـي
تسكني بصورة اللي كان لي عينـي=واقفا وخلاك وسط الموق واعمانـي
الـد فـالنـاس واشوفـك تنادينـي=واصد والقاك وسط الفكـر تقرانـي
سكنت في داخلـي كنـك معادينـي=واضن من جابـك بيديـه عادانـي
الشوق مهمـا يسـوي لـك يعنينـي=واهديتني شي فـي دنيـاي عنانـي
باعلمك شي مهمـا كنـت ناسينـي=لابد لك يـوم تبكـي مثـل مبكانـي
ان جيتني حافي ً فسكـن شرايينـي=وان جيت متغطرس ً بسقيك شرياني
لعـل تـروا بحبـي ثـم تروينـي=وعساي رشفه لعينك يـوم تضمانـي
تدري وش اللي اوده بس ترضينـي=اضم صدرك عشان الشوق اضنانـي
واقول ياشوق وش تبغى بعـد فينـي=لقيت مـن سكنـك فينـي وخلانـي

إسم على مسمى النادر

صح لسانك وعلا شانك ملايين