اهداء الى الشاعر الكبير ابو صالح/
 

صح لسانك ياباعشن
وصح لسانك يابو صالح
مبدعين الله يعطيكم العافيه .

صدق المشاعر
البدع/
يابو عبد العزيز العلم عندي نجي به من حقايق
ماهي قصة خيال ولاكلام تجمعه الرواة
الله مامر من المر الذي تشربه من بعد حالي
والرميه يوم تاجي من قريبا تراها قاتله
لكن اللي طعني في فوادي وسم الكبد سمه
ذاك كنت احسبه عندي كما نيس والااكبر منه
طول عمري وانا دونه كما الدرع في يد المقاتل
كل ضرؤبه تجي له من عدوه وانا اتصدى لها
حتى قرت له الدنيا وحس انه اصبح في مناعه
و التفت لي وقال اناتعبت أحملك طول الحياة
غير الوضع وانا اخوك والناس ما تدري بجهدي
لامعي شاهد يشهد ولاعندي اثبات عليه
لكن الله يظهر كل حق تعمد ينكره

الرد/
يالله يامن تعد ايامنا بالثواني والدقايق
يامن اظهرت لأسماعيل زمزم شرب منه ورواه
بعدماجف حلقه لاذبك قال يالله الطف بحالي
وارتوى بعد ماحل العطش منه كل مقاتله
تروي اللي عطش وتقول له قبل يشرب بد سمه
وأحفغظ يارب تنزيلك من الزود والا الجرمنه
وانحن ماهمنا من يعلن الحرب ويجينا مقاتل
همنا اللي على ملة محمد ويتعدوى لها
الله يامن نوى بالدين سيه لنا تكشف قناعه
وشلنا من ربيب العولمه الى تجرد من حياه
يحسب ان البلاغه في كلامه وهو بالقول يهذي
الله يامن تصهين تلعنه ويا ملايكة انعليه
يابن حجي ترى من سب دينه وربعه ينكره