هات راسك ياالهمس
 

الهمس يبغا يودع المنتدى وانا والجميع طلبناه
البقا معنا في هذا المنتدى ومثله مايرد طالبه
وعلى كل حال هذه قصيده اعتبرها تجديد عهد
بيني وبينه وامل منه الرد

البدع

ياشاعر(ن) له قلب مومن وراس امين
انحن كتبنا الخط واضح وراسمناه
شجيع وقت الحرب والدوس مايني
والخايف في ذا المنتدى يدرق سد اسمه
بهذل كثير الناس واتوسّد اسمها

علي السبيّة شاعر كبير احببناه بمواضيعه الرائعة وقصائده الهادفه ونشاطه وعطائه اللامحدود الذي نشكره عليه
والهمس .... أجمل عاصفة أتت على المنتدى .. أعطانا من طيب شعره ونثره .. خلوق الطباع .. مثقف يعرف مايقول

كنت اود ان اتكلم عنكم بما يوفيكم حقكم علينا لكن ما اقول الا الله يعطيكم العافية ويرحم والديكم في الدنيا والآخرة ...

مستمتعين بما تقدمون من ذوق عالي يناسب محبيكم


ربنا معكم ونتابع يا غالين ان كان باقي فيه قصائد


للجميع موووووودتي وتقديري

اشكر كل من يمر ويرد
واستلم ياالهمس

البدع

ماكل من يدعي سمعته وقلت امين
حتى المهندس بار شغله وحار ابناه
ماغير نتسلى باالالحان و الغني
وريشة الفنان واللوحه المرسومه
ماناسبت عين المعذب رسومها

السبيه مساء الورد خذ الرد ولا تطيل الكلام بدون شرح

جابوا نظام العولمه نصبة التامين

يا ما كتبنا للوزاره وحاربناه

زاد الفقير ابفقر واما الغني غني

صدر من الدوله قراره على مرسومه

ما باقي الا الضحكه ندفع رسومها

يااخي انت رائع استلم وبدون تعليق

البدع

يالله يعشّي سادة القوم جاملين
كان العدد ياالهمس مفرد وجاملناه
اخاف موج البحرالاحمر يغشّني
شفت الهنود الحمر ووجوههم مرقومه
لاتنتشد وتقول لي وش رقومها

استلم ياعم بدون تعليق
يابن السبيه شفت قوم مجاملين

واللي ضحكنا له بلعبه وجاملناه

اشوفه اغتاب ابن عمي وغشني

يقول هو سيد بدراه ويامر قومه

كم سادة(ن) دابة على نشر قومها