|
اعضاء رباع في حلم همساوي
الله يمسيكم ويصبحكم بالخير والسعاده ويمن عليكم باليمن والبركات
اليوم حلمت حلم الله ياهو حلم ياجماعه حلم الحقيقه تكسرت ارجولي يوم قمت الصباح من الوقفه شيء عجيب عجيب مره قلطه وشغل شيء روعه ما غير نترقص ونلعب طول اليل بدينها بعرضه وقلبناها قلطه وبعد ذلك دحه المهم للعلم للجميع العرضه لون جنوبي بحت القلطه لون نبطي تشتهر به قبائل حرب عتيبه مطير ويشاركهم بعض شعراء الجنوب الدحه لون شمالي بحت رقدت بعد ان تناولت وجبة دغابيس (همبرقر بالطريقه الجنوبيه) عصيده (لم اجد لها في القاموس تفسيرا وجاري البحث) خبزه(ماده صلبه من الخبز تؤكل كغذاء لمدة اسبوع) وهي ماده طارئه في اوقات الحرب المهم وضعت راسي على المخده وهات يا نوم وهات يانوم وشوي الا انا في وسط الحفله كيف جيت مدري الا هذا علي السبيه مربع في الميدان وماسك الميدان طول بعرض ياهو شايل في يده مشعاب الله لا يوريكم مو مشعاب هذاك الا عمود بيت وحاطه على كتفه والعقال رايح يمين شويه مدري من الحماس مادري وش قصته واشوفه يكلم نفسه رايح جاي عند الزير (اداة اشبه بالطبل غالبا ما تصنع من جلد الجمل) وهو يحوم والنار شابه واشوف صقر الجنوب لابس ذيك الجنبيه وبس يعدل في الصفوف ارجع ياولد روح يا ولد وهو ممتر الميدان طول بعرض وهاتك يارقص وشوي الا الحبيب نبع الحنين طاب غلط يا جماعه الأدمي ماله في العرضه خير شر حد ينزل يعرض بسكين وشوي الا شايته صقر الجنوب الا هو محظر عند على السبيه ولا حس فيه السبيه وهو يتعثر فيه وهو يتابع الهامه في تجهيز قصيده والل يستر ما رده عن الجمر الا ابن الجنوب سنده لين قام وهم يدبغون نبع الحنين دبغا مبرحا الى ان شج راسه وشوي الا الهمس محظر وش المسباح وش الرزه تقول معرس ماهو شاعر شاي يشارك ياخوي طب الهمس كذا وهو متبسم ويضحك ويسلم على الجماهير وشوي الا الدرمحي وعساف والبرنس ومحسن وصولوا بس عطلوا العرضه مسوين شعبيين وهم يستلمون العالم كلهم سلام خدود ماخلصوا الا السبيه قافله معه وهم يبدون القافيه وانا اتمتع معهم بالعرضه وشوي الا يوم قلبة العرضه الى صراع شعري عنيف بين السبيه والدرمحي وابن الجنوب من جهه والهمس وعساف ومحسن من جهه اخرى ويحمى الصراع وتبداء المناوشات الى ان انتهى بهم المطاف الى ايقاف العرضه وقيام المحاورات النبطيه ياهو بدع السبيه والهمس وشوي الا هاذي بعكاز في يدها والعالم مستغربه من هذي تشوفها تقول من الفرسان القدماء والعالم صفين الا هذي محظره وهي تمسك المكرفون ياليل ياعين وتبداء المحاوره وكانت في اشدها ووقف السبيه الى جانب تلك المراه ضد الهمس لكن وين وين يقول لهم يفحطون لهم ساعه يالله يردون ويبدعون والهمس ماشاء الله عليه راكب دباب شوي الا موقف الصفين ولاسعهم بقصيده بس الحقيقه كلهم مبدعين اطربوني في نومي وشوي الا الدلوعه على اعماق السكون مع ام رتيبه ومجموعه ما هي بسيطه ينادونا للدحه جا الحبيب السبيه بمشعابه المعهود والشاعره الطيبه بعكازها والهمس بالمسباح وكاشخ تعرفون بعد الهمس انيق وصلنا الا ذولا صفين ما نسمع الا فحيح تقول حيايا اللهم ياكافي قام الهمس قال لهم وبعدين ما تبغون قصيده وشوي الا واحد جاي من برا لابس فروه داخل بين الصفين ماخذ له دوره مجدع وطالع مدري وش سالفته لف بس كذا وطلع وسالهم الهمس من الشاب هذا قالوا هذا اللي يرقص قال ايه طيب الحين انتوا بردانيين وقاعدين تفحون الحين حنا وش دورنا قالوا حنا نمشي على القارعه هذي ونتساقط واحد واحد لأخر واحد والأخير ننصبه شاعر القبيله للعام كله قلنا طيب قلت يالسبيه خلنا نحرك بس الظاهر الربع طرمان بس والله وهو يعصب السبيه الله يكفينا شره وهو ينوشني بالمشعاب والشاعره مبسوطه تضحك على الهمس الا المسباح متنثر والله وكالعاده مسوط الوالده الله يحفظها يرف على راسي قالت ما بقى الا العرضه بعد فوق السرير صبحت عليها بالخير وحبيت راسها ويدها قلت زين ما شافت الدحه الا ماكان خلتني انام اسبوع ودمتم بخير |
احلامك مرعبه ياالهمس والحمدالله اني كنت
شاعر في حلمك ماكنت شي ثاني الله يستر عل العموم بعد اليوم نام وانت جوعان ترى الجوع ضد الحلم واسئل مجرب وحتى لو قدر الله وحلمت تحلم بمفطح او ماشابه ذالك يعني احلام تفتح النفس تشرفت بالمرور على حلمك المذكور علي باسبيه |
حشى ماصار حلم هذا مهرجان الجنادرية يالهمس .. وبعدين تعال أحد يلعب احيه قصدي الدحه على السرير .. طيب انه ما انخشل .. طبعا قليل منكم مايعرف كلمة انخشل لكن عليكم بالسبية والا الهمس يعلمكم انا مالي خلق اعلمكم لاني مندمج مع حلم الهمس وقاعد اتفرج على الحلم لانه وصلني بلوتوث وهو مايدري لكن الحقيقة ان فيه اشياء حصلت في الحلم ماقال لكم عليها ماقال لكم الا بعض التناتيش و وتناتيش كلمة اعتقد انها مأخوذة من نتش الخبزة نتشا حتى تكسرت سنونه ... شفت احلامك يالهمس وين ودتنا وش دخل الخبزة في القلطة ....
|
تسلم يالهمس على الحلم الحلو
الحمدلله ياربي إني ناديتك بس على العرضه ماكنت شي ثاني لا حرمنا الله من أحلامك الرائعه |
السبيه يغطيك العافيه والقادم سيكون رنان
وسيكون له اتجاه اخر بس يا جماعه وش فيكم مستحين تدلون بارائكم والا خايفين يحلم بكم الهم س لي عوده للأطلاله على الصقر والدلوعه |
مشكور يالهمس
وجعل كل احلامك سعيدة |
هذا حلم حقيق ولاكذب
اذا انه كذب مايجوز تكذب بالحلم اخوي وروح اسل اي شيخ بيقلك مايجوز بس هذا حبيت اقوله والسموحة |
الصقر حياك وبياك يالبارح سرى بك ليل ياهو ليل شيء عجيب بس لك وقفه اخرى مع حلم اخر الدلوعه حظرت ووصلت وعها حظرت البسمه وبها اكتملت الأبتسامه حياك الله ولا يزال البحث جار عن اعماق السكون وعاشقة الصقر وام رتيبه هلا بالهباق اطلاله سعيده وينك ياخوي كان حلمت فيك حلم علىكيفك حياك الله والقادم سيكون اجمل اموله اسمك عذب كعذوبة مداخلتك ومرورك اختي هذي احلام اليقظه نصورها ونبلورها ونأتي بها يعني لو حلمتي في اليقظه انك تريدين ان تكوني طبيبه مثلا هل هذا حرام اقرب لو وضعتي راسك على المخده ولم تنامي وداهمك الأرق فسرحتي باحلامك في اليقظه وانتي مستيقظه وتخيلتي انك التقيتي احدى صديقاتك وبداتم بالمداعبه والملاطفه والضحك والنكات ستجدين نفسك لا شعوريا تضحكين وانا اوويدك الراي في الفتوى واطلعت عليها لكن ما انا عليه لم يكن كذلك انما هي احلام يقظه ولو اطلعتي على احلامي السابقه لأيقنتي انها احلام يقظه استحاله تحقيقها ولك مني صادق الود |
رد
لواني ماقتنعت لكن
هذا خلني اكمل قرايت كل حلمك يعني تخيلك وقريت فيه بنات يعني اختلاط والاختلاط مايجوز حرام والسموحة ثاني منك شكرا |
اموله تقول ما قتنعت
طيب وش المطلوب شوي تقولين حلم ما يجوز شرحنا واسهبنا وقلنا انها احلام يقضه تصورات قد تحدث اقولك خيال تقولين لي اختلاط يعني لو حلمت ان امول نزلت السوق هل هذا اختلاط؟ ثانيا اذا كان االحلم اختلاط فماذا تسمين تنقلك بين صفحات المنتديات اليس اختلاطا؟ وان سلمنا بذلك ووافقناك في وجهة نظرك نحتاج الى خطوط سير مسوره للرجال خط والنساء خط ونحتاج من كل شيء الى زوج لكي نمنع الأختلاط حسب وجهة نظرك انتي وبعدين لو حلمتي انتي انك في سوق او ما شابه هل تكونين مذنبه؟؟؟؟ وتقبلي تحياتي واتمنى ان تجدي المتعه بيننا |
| الساعة الآن 03:48 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع