هذه القارعه كانت بيني وبين سامي بن عبدالله نظمي

البدع :
شاعر غير متوج
يامزرع (ن) شاقني باصله وخيره وبنساه
ماهوب مزرع تجد فيه الغلا والدقل به
وديرة اهل الكرم والجود والمانسينا
تلقبت بابلغ الاسما وبالقاب داله

الرد :
سامي نظمي
بتجاهل اللي نوى يقطع وصالي وبساه
على ايش اوده وهو مايحفظ الود قلبه
واللي تناسى بنا وانحن بعد مانسيناه
يعوض الله على قلبي وبلقى بداله

البدع:
شاعر غير متوج
يامن عجبني بمنطوقه وهرجه ونبغاه
شف قبل عينك جبل وش هامته وابتل اشبه
واللي يقول الجبال ابتنعد(ن) وابتلينا
افنى محيطات هذا الكون والنهر زاله

الرد :
سامي نظمي
ماكل رجال نضحك له نحبه ونبغاه
البعض قلبي نشب تالي الزمن وابتلش به
لو شفت شكل اللي انشبنا معه وابتلينا
يثبت لك انه ثقيل الدم وانه رزاله

البدع:
شاعر غير متوج
مااغلى من اللول الاصلي والذهب وقت سمناه
لاصار في مركز الجمجوم حنا نصي به
وان كان ماوفته ميه ولا ميتينا
ببكي على ولعه الفانوس وانعى شعاله

الرد:
سامي نظمي
اللي شطرنا من اجله زادنا واقتسمناه
دايم يقول الفتى مايخذ اللي نصيبه
عاطل ولا هو من الاحيا ولا الميتينا
ان مات ماينذكر بالخير وان عاش عاله

البدع :
شاعر غير متوج
اللي فناه القدر لا عد تقلي وش افناه
واذا طلبناك شف مطلوبنا واغد تعبه
والموتر اللي يساعدنا وفيه ابتلينا
عهد(ن) على اني احنه وادم ارتحاله
الرد :
سامي نظمي
يابو جبينن نظير البدر الا اشرق وشفناه
انا اشهد انك هبيت بداخل القلب تعبه
حسبك من الله ياللي في هواك ابتلينا
سمسمت قلب الذي حبك ودمرت حاله

البدع :
شاعر غير متوج
الزود يرفع بسعر الهيل والناقص الدناه
شين نلاقيه بالاصدار واشين بغابه
ياسامي احنا مع اهل السلم والمسلمينا
اما انت وش ذا الطريق الشين وديتنا له

الرد :
سامي نظمي
قلوا لبوش الابن لا يحسبنا قصدناه
تراه مايحرز المعروف وش ينبغى به
يابوش ما كان ودي تحرب المسلمينا
واللي تمنيت به ما كان ودي تناله

البدع :
شاعر غير متوج
عديت مالجمرك الدولي ولومحت ميناه
والمومن والمتقي ولاه رب من ثيابه
من قال بانه بياجينا من الشام تينا
ماعاد عيني استمع هرجه ولا اصغ ارعياله

الرد:
سامي نظمي
من يحمي البيت بعد الله لو محيمتناه
باقي الجسد في ثيابه ماهرب من ثيابه
ذا مقصده يحتقرني مرضي الشامتينا
ماني بواحد من اخوانه ولا اصغر عياله

البدع:
شاعر غير متوج
الله كم من فقيرن منعدم ربي اغناه
تغير الحال الاول واغتنى عن قريبه
غير ببيت الحجر قصرن على شارعينا
ياليت يشكرك يالله بعد كثرت ماله

الرد :
سامي نظمي
حي الله اللي يزوع الصوت ويربي اغناه
اقولها صدق مافي هرجت الصدق ريبه
لكن لا توردن البحر ياشارعينا
لاصفق الموج يالشاطي وكث ارتماله


تحياتي