أكاديمـيـة العرضـة الجنوبيــة - ربـاع

"" اليوم الوطني ""

من أجلك ياوطن ساقتني الخطوة بـدون شعـور
حنيني يسبق أقدامي واجـرّ الصـوت وأنادي

نـذرت ليومنـا هـذا بقايـا جهـدي المذخـور
ونسجت من الشعر ثوبٍ جديـد لثالـث أعيادي

أنا كلي فخر لاجيـت اعـدد مجـدك الماثـور
أقوله والله الشاهـد وتشهـد روس الاشهـادي

هنا بيت الله اللي فـوق سقفـه بيتـه المعمـور
هنا مسجـد رسـول الله وقبـر محمـد الهـادي

هنا سجل ملايينالبشر وقت الصـلاه حضـور
هنا فاضت دموع من الخشـوع ومـدت أيـادي

هناجبريل جاب الوحي واصبح منهج ودستـور
هنـا تاريـخ وبطـولات وفتوحـات وامجـادي

هنا بدر العظيمه رجعت جيش العـدو مكسـور
هنا ضمت احـد سبعيـن روح شهيـد ومفـادي

هنـا للسابقيـن الاوليـن مـن الرجـال قبـور
هنا لامجادهـم مـع صفحـة التاريـخ ميعـادي

هنا عبدالعزيز وحي لـي هالفـارس المشهـور
جمعنا لين صرنا صف واحـد جمـع وافـرادي

هنا خمسه ملوك لهم بتاريـخ الرجـال سطـور
هنا سادس ملك راعـي سياسـه شهـم وقيـادي

هنا عشت ومضى عقدين منعمري فرح وسرور
هنـا سجلـت باقـلام الفخـر تاريـخ ميـلادي

هنا سافر بي الماضي على ديمومـةٍ مـن نـور
لمنبت جـدي الأول ومثـوى عاشـر اجـدادي

هنا راسي وصل حد النجـوم وعانـق الديجـور
هنا لجّمـت افـواه العـدا وافحمـت حسـادي

بعد هذا ولانـي ياوطـن فـي واجبـي معـذور
ولو مت اوصي اولادي عليك توصـي احفـادي

بلادي حفظهـا واجـب ولا فالواجبـات قصـور
أنا واهلي وما تملك يـدي فـي خدمـة بـلادي