محمد عبدالرحمن =
=*
سلام يرضي شاعرن للوفاء ماهو بمسبــــــــوق =له في دواوين الفرايد قصايد ملحميـــــــــــــــة
الشعر غايم والمعاني مطر ورعــــــود وبروق =والسالفة ريح(ن)تسوقه على نجد العذيــــــــــة
=*
سعيد بن سالم=
=*
يا مرحبا بك عد ما سار فوق الارض مخلـــوق =وبحجم شوقي لك بعد ما تعديت الحويـــــــه
الجو رايع ذابت الشمس خلف الغيم بشروق =في عيني البراق.. والرعد في سمعي دويــــــــــه
=*
محمد عبدالرحمن =
=*
لو سبّني مسعود فالسوق وانا سيد الســوق =اعطيته ريالين شرهه ودفعـــــــــه معنويــــــــه
اجاري المعتوه وازهم على المطفوق مطفوق =واضحك على المستذكي اللي يبي يضحك عليـــــــه
=*
سعيد بن سالم=
=*
بلاك من مسعود والا من المعتــــوه معتوق =ليتك توضح لي تفاصيل موضوع القضيـــــــــــة
اما عطيتك حق والا بفعلك صرت محقــوق =بالعدل بأنصفهم وبانصفك ماهو بالحميــــــــه
=*
محمد عبدالرحمن =
=*
معتوق يسري شبه سارق ويضوي شبه مسروق =واليوم مسعود اعتزى له وعين الشمس حيـــه
لا والله الا طالما (الفيتو) اصبـــــح كرت محروق =لا اضحك على دقنه وارتب لضربه عسكريــــه
=*
سعيد بن سالم=
=*
غزيت برقا لكن اخطيت برقا دونهــــــا روق =لا شك في الهيلا حميا ونزعه عنصــــــــــــــريه
اخشى عليك تروح مطرود والمطرود ملحــوق =يحاكمونك مثل صـــــــــــــدام ثم تموت زيــه
=*
محمد عبدالرحمن =
=*
ما بين زهران وعتيبه على ارض الواقع فــروق = غير ان برقا حزة السلم فيها عنجهيــــــــــــــه
ترى العلاقة بين صنع القرار وصجة البـــــوق = مثل العلاقة بين روس الفشق والبندقيــــــــــة
سعيد بن سالم=
=*
لاعطيتك الاخبار ذعها ترى مصـدرك موثـــوق = هذا هو الموجز ولا زال للنشرة بقيـــــــــــــه
يهايط الشاوي وانا خابــــــــره بكّاش وذروق = لا من عوى سرحان جاوب عويه بضعـــــــويه
محمد عبدالرحمن =
=*
الشاوي اللي علموه الرعاه يضيّر النـــــــــــــــوق =صرَف عليه شعيل واقفى تحت نابه ضحيـــه
لو يصلح البشت الحساوي على ابو ثوب مشقوق =ما راح ثوبه بين كفــــــــــي وكف الشاذليــه
سعيد بن سالم=
=*
حظك عِثر يا راعي الابل يابـــــــــو جيب صندوق = اللي تسرحها مجاهيم تضــوي ساحليـــــــة
لكن حملها على السوق والا سوقها ســــــــــــوق = والا على (الفصـــــــــام ) خذها وقدمها هديه
محمد عبدالرحمن =
=*
يضوي لجيبي قرش وآحوّله دولار مطبـــــوق = والعمله الصعبة تحيّر عقول الصيرفيــــــــــــــــــه
ابيع واشري وآتجمل وخشم القرش مدقــوق = واستثمر الدولار بأقوى البنوك العالميـــــــــــــــــة
سعيد بن سالم=
=*
يتاجر (الفايد ) بثروه كبيره باقها بــــــــــــوق = من جيب (خاشقجي) لهفها وخاشقجي خــــــويه
المغترب عن مصر في عرق دمه يجري الشـــوق = للقاهرة واسيوط والشرم والاسكندريــــــــــــــة
محمد عبدالرحمن =
=*
ماني محلل فيْ القضية خلايا دمّ وعــــــــــــروق = يحتاج للموضوع تدقيق وشوية رويــــــــــــــــة
مابين شعب يحقق المستحيل وشعب مخنوق = ما حاكم البواق غير الشعوب المفتريـــــــــــــــــة
سعيد بن سالم=
=*
افرد جناحي كل ما حمت وشاهدك من فــوق = حولك من اهل القنص ميه بنادقهم قويــــــــــه
سياسة القمع انتهت والعرب شبوا عن الطوق = الشعب يا بشار ثاير وناوي لك بنيـــــــــــــــــه
محمد عبدالرحمن =
=*
بين الرباط وبين مسقط مية خوان وســــــــروق = واللي خدم ( بيريز ) ليته تجمـّــــــــــل في ( هنيه )
يا هيه نص الشعب غارق ونص الشعب مسحوق = بكره عليك الدور لو ما فهمت المسرحيـــــــــــــة
سعيد بن سالم=
=*
إن ما وفيتك شاربي رهن حد الموس محلوق= جيش السعودية تعـــــــدى الحدود الاردنيـــــــــــــة
عندي قناعة وانت ما انت بغبي لكن مصفوق= لا اهتز برج المملكة طاح برج الفيصليـــــــــــــــــــــة