شوفي ملامح حزن وجهي كنها وحشة قبور=في وجه حزني من رحلتي صار لغيابك سمه
من وقت ميلاد الظلام اللي بصدري مات نور= وانا دفنته في بدايات الغياب المظلمه
كسر الخواطر يشتكي همه على ضيق الصدور= وكلما صدري تذكر غيبتك ضاق نسمه
لكن تعالي بارتمي بإحساس في حضن الحضور=وامسك يدك وآخذ نفس قربك بصدري واكتمه
لك شاعر يكتب لك احساس الالم بين السطور= يكتب بقلبه من حنينه قبل يكتب بقلمه
لا شاف نفسه غير عن كل البشر ماهو غرور=ابسط حقوقه دام حبك صار يمشي في دمه
الشعر صوت العاطفه في صورة احساس وشعور= تجي به اشواقي ويقفي به غياب الملهمه
وانتي غيابك صار يبني في مساحاتي قصور= حتى زواياها من الفرقى حزينه معتمه
ترى ندى الأوراق لو جا من بعد موت الطيور= ماهو ندى ! هذاك دمعات الفراق المؤلمه
ليت الثواني عند توديعك توقف ما تدور =تروف بأشواقي ودمعي تجمعه وتلملمه
غيابك المتسلط اللي راحته قسوه وجور= لو جات له فرصه على رمشي من النوم حرمه
أعرف تناقض قسوة الأمواج وأسرار البحور = لكن شوقي وابتعادك صعب وأزريت أفهمه
تدرين ليه ابغا ارتمي باحساس في حضن الحضور ؟=وأمسك يدك وآخذ نفس قربك بصدري واكتمه ؟
عشان ما تصبح ملامح غيبتك وحشة قبور=ويصير في وجه الفرح للشوق وحضورك سمه

الله الله الله
روعة واحساس راقي
خيال شاعر وصياغة محترف
صح لسانك يالهجير
وبيض الله وجهك

المشاركة الأصلية كتبت بواسطة متعب الدوسي (المشاركة 390983) الله الله على الأبداع صح لسانك مدد بلاعدد

المشاركة الأصلية كتبت بواسطة ملك الليل999 (المشاركة 390992) الله الله الله روعة واحساس راقي خيال شاعر وصياغة محترف صح لسانك يالهجير وبيض الله وجهك

المشاركة الأصلية كتبت بواسطة عبدالله اللبيدي (المشاركة 391063) ألأستاذ المبدع الهجيــــــــــــر صح لسانك وفكرك النير تقبل مروري المتواضع فلم أجد من الكلمات مايليق بهذه الرائعة فأثرت السكوت