|
(المصابيب) من مطبخ لؤلؤة غييير
[TABLE1="width:80%;background-color:black;border:4px solid gray;"] | [/TABLE1]السلام عليكم ورحكة الله وبركاته اخواني واخواتي اعضاء وزوار منتدى رباع اسعد الله ايامكم جميعا بالخير والمسرات بعد تفكير وحيره وانا اتصفح المنتدى اسجل دخول ولا لا بعد هالدوشه قررت ادش عليكم واتصفح مشاركاتكم واصبح عليكم وطبعا مو جايه ويدي فاضيه جايبه معاي حاجه حلووه اكتييير واكيد بتحبونها اكثر بعد ماتشوفوها من مطبخي المتواضع الحين اوريكم وش جايبه معاي هالمره ((((المصابيب )))) المقادير/كوبين دقيق بر او دقيق بودره حسب الرغبه ثلاث ملاعق حليب بودره....ملعقة ملح.... ملعقة باكنج باودر....كوبين او اكثر ماء للعجن.... نخلط جميع المقادير السابقه مع بعض بحيث تكون عجينة سائله نتركها ربع ساعه قبل خبزها ...... ملاحظه/ البعض يضيف بيض مع المقادير ويستتغني عن الملح بملعقة سكر على حسب الرغبه انا افضلها كما ذكرت وبطريقتي المطروحه امامكم وهنا كما تشاهدون بعد تسخين الصينيه او الصاج نصب كميه بسيطه دوائر صغيره ونخبزها على الجهتين الا ان تنتهي الكمية نرصه في طبق التقديم ونرش عليها السمن الجنوب والعسل يمممممممممممممممممممممممي مع القهوه في مثل هذه الاجواء خياااال لا تفوتكم اتمنى ماقدمت حاز على رضاكم لا تبخلون علئ وابنائي من دعواتكم لؤلؤة زهرااان الاثنين/13/2/1435/هـــــ |
ياصباح المصابيب مع كوب حليب بالهيل والزنجبيل
تسلم الايادي فتحتي نفسنا على الصبح ننتظر المزيد من ابداعاتك من مطبخك المميز |
يمييي
شنو الحركات الخطيره ماشاء الله شغل احترراف ويفتح النفس يعافيك ربي عارفه لولو جربتها مرتين الله لايوريك كيف شكلهم ههه كنك داخله طعس اعاقات هههه شغالتنا تضبطهم احسن مني بكثيرر بس حلو الواحد يجرب شغل يدينه تسلمي عالطرريقه الخطيره والموضوع الرائع بروعتك حبيبتي جربيها مع الكشنه بصل وطماطم خطيره احوبها والعسل مع الكوووفي دماااار يعطيك العاافيه وتسلم يديينك والله يخلي لك كل احبابك دمتى بحفظ الله |
اقتباس:
مديرنا الفاضل الف شكر على مرورك العطر بارك الله فيك فعلا مع الحليب غير بس انا مسويه معاها قهوه مع التمر وانا صايمه على وجبة الفطور اما فطور صباحي مافيني نشاط ولا نفس ابدع فيها ههههه |
اقتباس:
همووووسه هلا وغلا ومليون مرحبا الف شكر يالغلا على مرورك العطر وعلى كلماتك الجميله ودعواتك الطيبه المصابيب تحتاج لروقان لاتقانها بنفس الحجم والشكل حاولي تسوينها وانتي مروقه في وقت ماتكوني مشغوله وانا واثقه من ابداعك مع السمن والعسل لاتقاوم جدا لذيذه وما جربتها مع الكشنه ان شاء الله اجربها |
الله يعطيك العافيه لؤلؤة
لو ماني مشغول كان اخذت عندك دورة في الطبخ << ترى احب الطبخ اشكاله وانواعه بس مافي حد يشجعني ^_^ |
اقتباس:
اخي الفاضل ابو مشاري الف شكر على مرورك العطر اخوي زين تحب تطبخ وما يحتاج تشجيع لو بس تتطبخ لنفسك الاكله اللي نفسك فيها غيرك كثيرمايعرفون وش في المطبخ اهم شي الاكل يجيهم جاهز هههههه |
عندنا فى مصر بنقول عليها قطايف ولا مش هى
على العموم هجربها واعمل النتيجة فى موضوع ان شاء الله |
ان شاء الله
|
| الساعة الآن 01:34 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع