|
قصص من طفولتي ... اتمنى المشاركة من الجميع
بسم الله الرحمن الرحيم السلام عليكم ورحمة الله وبركاته قصص من طفولتي يعطيكم العافية موضوعي ومافيه اننا نتكلم عن قصص لطفولتنا أيام زمان ومواقفها الطفولية اقل شئ نعيشها وبمعنى اصح نسترجع ايااامنا الحلوة ( ياليتها تعوود ) اتمنى من الجميع التفاعل معي ونعمل مقارنة بين طفولة ايام زمان وطفولة زماننا الحالي تحيــــــــــــــــة لي عووودة بسرد قصص من طفولتي |
يعطيك العافيه على الموضوع
ولنا عوده |
ويعافيك ياارب اختي الرميصاء اسعدني مرورك |
قصتي من طفولتي طبعا الحكاية ماني فاكرتها قد ايش كان عمري .. المهم محسوبتكم طلعت من البيت تلعب وشعرها منكوووش << المهم تعرفو زمان نلف في الشوارع والأزقة والحواري كانت الدنيا آآمان ومعروف زمان نصحى من بدري ما يجي المغرب الا احنا ناايمين المهم ارجع لقصتي .. قاعدين نلعب احنا وبنات وعيال الجيران بعدين دخلت مع بنت الجيران بيتهم وقاعدين نلعب ولا فكرت في اهلي اتاري البيت مقلوب فوق تحت يدورو علي طبعا بيت الجيران ماهو قريب علينا بعيد شوي بس مو ذاك البعد .. بعدين جارتنا ما قصرت روشتني ولبستني مع بنتها ومشطت شعري << زمان مو دحين الجيران يطردو عيالنا لا جو يلعبو عندهم << الله يرحم ايام زماان المهم محسويتكم بعد ما غيرت نااامت وكبرت المخدة وناسية ان اهلها يدورو عليها ما خلو جارة الا وسألو عني عندهم الى ما وصلو للجارة اللي كنت عندها ههههههههه ورحت البيت وامي اغمى عليها من كثر ما تدورني لما شافتني فرحت وانا ولا على بااااااالي رحت اكمل اللعب مع العلم اني ما ادري كم كان عمري بس الوالدة الله يحفظها لنا كانت تحكينا يبغالي اسألها واقلكم كم كان عمري وقتها ادري تبغو تعرفو كم عمري ؟؟؟ غمززززة |
قصة جميلة .... و أيام أجمل الكبار أخوة ومحبة .... والأطفال عفوية وأحلى ايام العمر ، بواكير الزهور و الحياة ، بس يبدو لي أنك نسيتي أو ما علمتينا بالدبغ اللي جاك من امك بعد ما رجعتي لها يا كعشة ، وهذا الأسلوب معروف عنهم زمان وحتى ذالحين يقلق الوالد او الوالدة على الأبناء ويدورن عليهم بكل درجات الحب والخوف ... ولكن عندما يلقونهم يا هو يجيهم تلطيش و مسح سراميك على كيفك ،، انا صراحة كنت طفل مثالي صحيح فيه شوية هتاشة وشوية غزلة بس مقارنة مع غيري الله يحفظني من كل عين لامة ، تصدقون جاني عين وانا صغير .... صدقوني ، صحيح و الله قصة فيها الجيران و البراءة وزمان ميه ميـه وتقبلي تقديري |
http://t3.gstatic.com/images?q=tbn:A...3jwNQWuOW_LxQQ
طيب وين الصورة نشوف الشعر المنكوش والسنون الثرماء المكسرة والايادي المشققه الله ما اجملها من ايام ..... الا صحيح كان سنة كم القصه ههههه نشوف صورتك بعد التمشيط ميه ميـه http://up.g4z4.com/uploads/360432c545.jpg تحيــــــــــــــــةتحيــــــــــــــــةتحيـــــــ ـــــــــة |
الله يسعدك يا عين الجمل هههههههههههههههههههه حلوووة كلمة كعشة اذا على التلطيش ياحنا اتلطشنا تلطيش اما عيال اليوم تجي تضرب الواحد ضربة خفيفة يقعد يبكي الله يرحم اياام التلطيش عين الجمل اسعدني مرورك الطيب والله يحفظك واولادي وجميع المسلمين من شر كل عااااائن دمت بخير |
يعطيك العافيه أختي أحلى الديار
موضوع ذو شجون فكم لنا من قصص يعجز اللسان عن ترجمتها أيام الصغر مصحوبه بالبراءه والشقاوه وأحياناً بالدهاء حتى نخرج من بعض المآزق..؟ طبعاً ولله الحمد كنت عفريت وأنا صغير لدرجه تفوق الوصف فكنت جريء مع الصغار وكبار السن وكذلك بما إني سمي جدي لأبي وجدي لأمي فكان الدلال يلاحقني منهما في عدم الضرب يعني أسوي اللي أبغى وأنا مطمن فكانت لنا حركات وذكريات رائعه.. ولنا عوده بإذن الله .. تقبلي مروري وسلامي ولكي مني كل الود آمير الكونــ |
ههههههههههههههههههههههههه يسعدك ربي اخي صقر الجنوب يا زين الصورة اسكت اذا على الصور لنا صور تحفة بمعنى الكلمة تتصور والصورة تطلع على طول بدون تحميض ولا تخاف على الصور ... وتتعال شوف الأشكااال كيف هههههههههههه الا ليت الشباب يعود يوما .. لأخبره بما فعل المشيب اسعدني مرورك دمت بخير |
انا اقترح كل واحد يكتب قصة من طفولته
نبدأ من عند عين الجمل ههههه |
| الساعة الآن 06:03 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع