جديد ابراهيم الكناني المبدع وعبدالله بن جلسة
 

قارعة
الجمعة 18 / 3 / 1441 هــ

البدع / ابراهيم الكناني
الرد / عبدالله بن جلسة
ــــــــــــــــــ


ابراهيم الكناني

ياابن جلسة لاتضايق من اسباب الدوام
هكذا الدنيا ومن يطلب الرزق الحلال
عد وأحسب كم فقير ٍ وكم فالناس عاطل
مادرى وش هو لحافه وما توسادته


عبدالله بن جلسة

يابراهيم الوقت يمضي ولله الدوام
كني آشاهد بعيني مصيبه وإنحلال
السواق اللي معه حملةٍ والمور عاطل
ليش يسرق حملته يوم ماتو سادته


ابراهيم الكناني

صار فتّاح الطّيق والشبابيك إقتحام
بين شي من الحقيقة وضرب من الخيال
قبل ماشمس الضحى تنحني ياخي لأصايل
ليت جيراني يقفّل ولدهم طاقته

عبدالله بن جلسة

الجناح المنفرد لا نظرته وقت حام
أدري انه شاف له صيدةٍ ماهي خيال
أنت خذ لك للمعارك سيوف وخيل أصايل
وإنتبه لا يفقد الخيل الادهم طاقته


ابراهيم الكناني

افتني لاعوّد الشعر ماهلا كلام
كيف تقدر تستصيغ الجواب من السوال
الذي مايبصر السيل يتورا سمايل
واللي وده يشحذ الناس كبّر فاقته

عبدالله بن جلسة

انا لو جيت اطلبك تمتنع وأنهاك الام
تكتب أشعارن تجينا كما الشهد السوال
واللي ما يسوى ريالين جاء والراس مايل
مأحترم وعده لربعه وكبّ رفاقته


ابراهيم الكناني

وش معك كنّك تعيما وتمشي في ظلام
وانت تعرف وايل التغلبي سيد الرجال
ماذبح تُبّع سبا وسط قصره غير وايل
قبل مُرّه مايحظّ البسوس بناقته

عبدالله بن جلسة

أنت سويت الهدف وأختلصنا في ظلام
يمكن ما يدري عنه لا ركوب ولا رجال
والله يا قصرن قريبٍ من الهدّان وآيل
ما يردّه صدر حجمه بحجم بناقته


ابراهيم الكناني

انا لو ماابدعت فأحذر تقلّــي ياسلام
كيف ترضى شي منكر وترضى شي بطال
غير مدري بعد هذا الخبر ويش انت قايل
يوم تحقل في ثرا نيل مصر عشابته

عبدالله بن جلسة

ما على الدنيا حسايف على الدنيا سلام
وسواد الشعر ما بعده الا شيب طال
دام روحك تنتقل في العمر ويش انتقايل
لا تقل قفّى زماني ومصرع شابته