وذا شع نور البرق من وسط عينه .. ( ابو طلال لا هنت )
شرفني يابو طلال بالرد على قصايدي المتواضعه وفقك الله .. البدع / برق الجنوب= ...= في المزرعه يبدي جنون المحبين= سقاها لهم ربي بماء من عيوني= اذا هب وانا اخوك نسم الهواوي= واذا شع نور البرق من وسط عينه= |
((في المزرعه يبدي جنون المحبين))
الشرف لي طال عمرك واسعد الاوقات لما اقصد معك ومع شرواك من اللي يحكمون القاف والمعنى
الرد:علي السبيه= .= مع اهل الهوى يبدي جنون المحبين= البّي مطالب صاحبي من عيوني= ترى الهجر غُربه في فواد الهواوي= وللوصل دمعه حايره وسط عينه= |
|
برق الجنوب وابو طلال استاذه ومعليمن الكمله صحت السنتكم على هذا الابداع واسمحوا لي بهذه المداخله على وجه السرعه ان جازت لكم فالرد متاح لاين كان وان كان العكس فاتركوها فاهي من قيس المعرفه
البدع:= معي لك علوم وخلها بيننا بين = حشود العرب ياليت مايلبشوني= تغيبت عنا غير ماذي بطاوي= شرعت البحر قدام ينقاس مينه= |
برق الجنوب وابو طلال مبدعين وكلام جميل امتعتونا بيض الله وجيهكم 0
|
مرحبا مللايين ياابويحيى ولا عاش من يترك قصايدك ولنا الشرف بمجاراتك
وهذا ردي على بدعك وبعدين وشرايكم نكمل القارعه ثلاثيه بعد اذن برق الجنوب بما انه البادي باالقارعه تبدعون انت وياه وانا ارد عليكم
الرد:علي السبيه= .= ترى الذيب ضم الكبش مابين نابين= ولا رده اللي ياتمايل بشوني= تسرّح رعايا البدو والذيب طاوي= ومن عادته يهجم وينقا سمينه= |
شـكــ وبارك الله فيك ـــرا لك ... لك مني أجمل تحية .
|
طيب طيب .. صح لسانك يابو طلال وبيض الله وجهك .. وانت يابو يحيى مرحبا بك الوووف وملايييين وشرفتنا بمشاركتك ومثلك نفخر ونعتز بمشاركته حياك الله يابو يحيى .. واشكر كل من مر ورد برده الطيب وتحياتي للجميع .. البدع / برق الجنوب= ...= وش اللي قطفته مالعقول المجانين= وانا ما بعد ريت الغصون الجنوني= اذا كان ما تسمع لصوت المداوي= حليل المعنا من تداويج نونه= |
صح لسانك وبدنك وبدنك يابرق الجنوب
الرد:علي السبيه= .= شهار اخبره لهل العقول المجانين= ولا ادري وشلي فك ذولا الجنوني= عقول استخفّت وين تلقى المداوي= ومن جنّ ما تقدر تداوي جنونه= |
يا سلام على القصايد واهلها.. والله شي كلام يقعد الراس ولحن طروب بمعنى الكلمه مستمتعين بمحاورتكم ودمتم بود
|
الساعة الآن 11:53 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع