|
فيصــل ولد خالد
"" فيصــل ولد خالد ""
يا حاتمي الفكر لاتبخل على صحـرا الضميـر قدم لها ميسـورك وتعطيـك مـن ميسورهـا ياكثر ما مدت يديها تدعـي الثلـث الأخيـر في جنـح ليلـة مدلهمـة ماتطيـر طيورهـا اصحت سماها من ضماها ترقب النو المطيـر يكسي ورقها خضرة ويحي جفـاف جذورهـا قطرات غيث الشعر خطوة تسبق السيل الغزير والسيل كم سيّل بلاقـع قفـر واحيـا بورهـا وانا علي اعد لبيوت الشعـر موقـف كبيـر وصياغة الموقف بيوت الشعـر هـذا دورهـا وان كان ماتشمخ بيوت الشعر في مدح الأمير وش عاد يبقى من مكانتهـا ومـن مقدورهـا ياسيدي فيصل ولد خالـد مجيـر المستجيـر يامزبّن المضهود من ظلـم الحيـاة وجورهـا كم شيخ معوز كم ضعيف وكم يتيم وكم فقيـر تعطيه وجهك يوم خلق الله عطتـه ظهورهـا للناس في صدرك رحابـة للكبيـر وللصغيـر وانته تربّعت المكانة فـي رحـاب صدورهـا انته ولد خالد وخالد شارك السيـف الشطيـر بسمه وقسمه يـوم طعنـات العـدا بنحورهـا وانته حفيد معزّي اللي حارب الشـر الشريـر وارسى قواعد مملكتنـا ليـن شعـش نورهـا ياسيدي حبيت ابارك لك على امـارة عسيـر وعلـى ثقـة حكـام دولتنـا ولاة آمـورهـا هي ودعت _خالد_بدمع العين والحزن المرير ومن الموادَع كاد يطلعها الحزن من طورهـا واستغرقت في حزنها المعتم وخاطرها كسيـر وتسربلت ثوب الفـراق ابراجهـا وجسورهـا واليوم من ديـوان (عبدالله) يبشرهـا البشيـر وصاك يافيصل يابن خالـد بجبـر كسورهـا وانته يابوخالد كفو لك فعل منقطـع النضيـر اظهرتها من حزنها وارضيت كـل غرورهـا وامست تغني لك على همسات نفحات العبيـر ومن الطرب تنثر على راحة يديك زهورهـا حملتها في راحة كفوفك كما الطفـل الغريـر واسقت مراويح المزون افنادهـا وعطورهـا تبخترت بالثوب الأخضر واحضنت عبر الأثير سكانها والسايـح اللـي كـل عـام يزورهـا ياسيدي دامك بخير والشعر واصحابـه بخيـر من غيرك الشعّار ينصف شعرها وشعورهـا كل المحافل غير و(المغترة) ام الشعـر غيـر متميزة ومن البحـر ليـن البحـر جمهورهـا صفوفها تشهد بفظلـك يـوم تابعـت المسيـر ورموزها الحيين والموتـى بوسـط قبورهـا وانا ادري اني ماذكرت الا قليـلٍ مـن كثيـر واعظم قصيدة مدح فيكم تعتـرف بقصورهـا والشعر 16بحـر بيـن المطـوّل والقصيـر لكن بيوت الشعـر ماتلحـق مـداك بحورهـا وختامها عمرك طويـل ودام عـزك يالاميـر في دولةٍ شرع الله ونهـج النبـي دستورهـا |
| الساعة الآن 05:59 PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع