|
جميع قصائد محاورة الجمعه 16/3/1430هـ
بسم الله الرحمن الرحيم الحمد لله رب العالمين والصلاة والسلام على اشرف الانبياء والمرسلين سيدنا ونبينا محمد وعلى اله وصحبه أجمعين . وبعد السلام عليكم ورحمة الله وبركاته هذه قصائد ول محاورة مساء يوم الجمعه الموافق ( 16/3/1430هـ) بين الشعراء ( الشاعر بن سلمان و الشاعر أحمد مطر ) ( الشاعر شاعر المعنى و الشاعر بدر البدور ) كانت البدايه عند الشاعر بن سلمان فيقول البــــــــــــــــــــــدع بأسم الله وبـعـون ربي توكلــنـا الآله الواحد الي ســـجــدنــا له جل شانــه وأعتــلى مـالنا غيره والــصلاة على نـبي الله الهادي عد رعاد المخـايـــل ونــاويــها يرد عليه الشاعر أحمد مطر ويقول الــــــــــــــــــــــرد كــلّ لـقـمــه بـايـتـه مـاتوكّلنا واللي محتاجاً من الناس جدنا له نمّن الحدان وابعـــد لنا غــيـره اتلقـّى القول بالخاطــر الهــادي وارمي امثال(ن) من أيام ناويـها .................................................. ................ يبدع الشاعر بدر البدور ويقول البــــــــــــــــــــــدع بيـض الله وجــه مـن كـان جمعنا عالــرجـوله نـلـتـقي دوم والقاله كل رجــالاً بمــدحه وتــقـــديره وغياب البعض عندي ماهو عادي واكـثــر العـالم بعد في حراويه ويرد شاعر المعنى ويقول في الرد يرد عليه شاعر المعنى ويقول الــــــــــــــــــــــرد انحــن الــي قــد كســـبنا وجمعنا وانحن اهل الجود والطيب والقاله كل علمن عــنـدنا جا بـتـقـديــره مرحبا واهلـيـن مــن دون ميعادي راعي القصه في الــبـوح راويها .................................................. ................ يبدع الشاعر بــن سلمــان ويقول البــــــــــــــــــــــدع يالي تبغي لك رشد وأنتصاح ابنا مجدنا حتى النــوايف تـحنـــا له وجملنا ينقل الحملـــه الجــيــره لاصبحت مابين نــدره ومسنادي نحرق أكبود الاعـــادي ونغليها ويرد الشاعر أحمد مطر ويقول في الرد الــــــــــــــــــــــرد مانسينا عــشـرتك وانت صاحبنا واللي يتبع خـطـة ابليس حنـّا له انحن اللي نغلي الجـار والجيره ماهي كلمه قلتها فـــوق مسنادي يشهد الله كيف الابطــال نغليها .................................................. ................ يبدع بدر البدور ويقول البــــــــــــــــــــــدع فوق صدر المعتدين الوسام احنا والوسام اصبح تزها بـه ابدالـه مايـشـبـه أول الصـف بأخـيـره والسيوف البارعه وقت الانشادي نشتريـهـا يـوم تـغـلى مشاريها يرد الشاعر شاعر المعنى ويقول في الرد الــــــــــــــــــــــرد الله اكبر كم عــفينا وســامحنا مانبــدل راعي الــصدق بـبداله يمكـن الي راح واقفى لنا خيره والحبل ماينهمل وقت الانشادي والخــطل والله ماله مشــاريها .................................................. ................ يبدع الشاعر بن سلمان ويقول البــــــــــــــــــــــدع الله من ذيباً ليا مــن عــوى يدنا والله كم جلنا من أجله وصلنا له حتى لو دربه بعـيــداً لنــاسيـره لو مــامعنى لاجمالاً ولا أجوادي قتلته مـاظــن يــاجــــي تلافيها ويرد عليه الشاعر أحمد مطر ويقول الــــــــــــــــــــــرد الوفا والصدق دايـــم عــوايدنا نحتمي عن كل موقف وصلنا له مابتلقى الاّ الشجاعـه لنا سيره طيبنا لاهل الكرامه والاجوادي والعدا ماتاخــــذ الاّ تــلافيــها .................................................. ................ يبدع بدر البدور ويقول البــــــــــــــــــــــدع الله من قصراً بعد في القرى يبنا والبحر ماشفت أنا جـف من هاله ماحداً يقدر ويـقـــوى لتـدميــره الـجـمـل مـا ظـن بالـريع ينقادي والليالي ما بـيـقـوى مساريـــهـا ويرد شاعر المعنى ويقول في الرد الــــــــــــــــــــــرد يابــدر يـاليـتـكم مـن قرايبنا الكرم والجود فيكم ومـن هاله والجبل وسع دمارن بتـدميره والعموله عندنا شيك ونقـادي والقلوب الطيب في مساريــها .................................................. ................ .................................................. ................ يغير القارعه شاعر المعنى ويبدع يقول البــــــــــــــــــــــدع ويـن انت ياللـي غبت وقفيت عنا لا تبتــعد عــود تراك انــت مـنا البـــدع والــمـردود من كــل فنا والصبر زين وكل مطرود ملحوووووووق سيفنا في نهار المعركه مـذهب ادري السيف الاملح ثابتن حده وبن عمي تحداني بجنبـــــــيه ويرد بدر البدور ويقول في الرد الــــــــــــــــــــــرد يا مرحبا وهلين بلي تـعــنـا والصبر منية يابشر من تمنا والموقف المرموق ماكلفــنـا والصبر زين وكل مطرود ملحووووووق حيك الاصل وأهل الدين والمذهب اهل حداً وكــــلاً يحــتمــي حـده دام قلبي مريــــح بــيـن جنـبـيه .................................................. ................ يبدع الشاعر بن سلمان ويقول البــــــــــــــــــــــدع حنا لنا معنـى ولـنـاس معـنـى هذا كلام الصــدق يامن سمعنا ماداموا أهل العز والناس معنا والصبر زين وكل مطرود ملحووووووق مادام النار من بعض الشرر تنشب لاهـيــا مــزحنــا ينـبـان من جده ونحن أهل الفعول ونارنــا حـيــه ويرد عليه الشاعر أحمد مطر ويقول الــــــــــــــــــــــرد فـي الخـصم سـوينا شنايع وطعنا واهل الوفا بالصدق طاعوا وطعنا يامن تقول الصاعــده والوطا اعنا والصبر زين وكل مطرود ملحووووووق يابن الاجواد لاتبلش ولاتنشب البضايع تـــورد من بحر جده وانا معروف ماتلقصني الحيه .................................................. ................ ويبدع شاعر المعنى ويقول في البدع البــــــــــــــــــــــدع معناك عند الناس ماله قبـايـل ماظنتي ينشر لكل القـبـايـــل وانا ترى علمي بصدر وقبايل والصبر زين وكل مطرود ملحووووووق ناركم بحرنا ياجــي لها منصب بالله لا جاك ضيفك عشه وغده لا تـقــل بـيـنـنـا الايام دوريه يرد على نفسه شاعر المعنى ويقول الــــــــــــــــــــــرد يامـا رمـيـنـا للهـــدف والـمثايل مادام حتى النحل ســـــوى مثايل انحن رجال الحكمه واهل المثايل والصبر زين وكل مطرود ملحووووووق كم تمنيت لي رتبه ولي منصب لكــن الي نشب فيني كما الغده ابنوقــف لهـــم عسكر ودوريه .................................................. ................ يبدع الشاعر بن سلمان ويختم هذه المحاوره في نهاية الوقت المحدد للمحاوره ويقول البــــــــــــــــــــــدع معناي واضح ياعريف المثايل ارم المثل واركد برمي المثايل ترى العسل واجد ونحله مثايل والصبر زين وكل مطرود ملحووووووق علموني كم الاسعار ياهل الحب انا قلبي بعد مشغـــول ومــوده مقصده منفعه ولا ضــــرورية يرد الشاعر أحمد مطر ويقول في الرد الــــــــــــــــــــــرد مانتبع اصحاب العقول الغزايل يامن بغى الطايف وروّح غزايل الشعر معنا مثل حبك الغزايل والصبر زين وكل مطرود ملحووووووق وين راحت علوم الحب ياهل الحب أكـثـر الـنـاس يـظـهـر طيب ومودّه واعتبرنــا مـحــبــّــتهـــم ضـروريه .................................................. ................ كان للشاعر ابو صالح تواجد مشرف في هذه المحاوره ومتابعه مستمره وكان له أيضاً مشاركه فيقول فيها البــــــــــــــــــــــدع جيـت قــدراً لمـطاليق في موقـف ربـاع والا مالي خاطــراً فالمحاضر والقصيـد والله لو ماهي بحشمه لكم ياصلب راسي ممتظي درب المـثــايـــل ولاناجـي منـه فيرد عليه شاعر المعنى ويقول الــــــــــــــــــــــرد مرحبـا مــاقـلتــها لا نصيف ولا رباع كنك الصقر الــذي لاجـنـح عود بصيد والله انك مثل ذاك الجبل ثابت وراسي ظنتي لو لو يسلك الهول جــا ناجي منه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ في نهاية المحاوره كرمت إدارة منتدى رباع شعراء هذه المحاوره بوسام التكريم لكل شاعر وزياده في السمعه بمستوى ( 100 ) نقطه . وأيضاً تكريم الشاعر أبو صالح بوسام التكريم نظراً لتشريفه ومتابعة أول محاورة في المنتدى بين الشعراء وأيضاً تكريم جميع من تواجد بالمحاوره من الشعراء بهذا الوسام وفي النهايه الشكر لجميع الشعراء لتواجدهم وإلتزامهم بالموعد المحدد ومرعاة وقت وشروط المحاوره الشكر لإدارة منتدى رباع لدعمها وتشيعها وعطائها المستمر والمشرف بأسمي وأسم إدارة منتدى رباع الشكر لصاحب الفكره والاقتراح الشاعر / رياض الشكر لجميع الشعراء الذين كان لهم الحضور الدائم والمشرف والمستمر الشكر للجمهور والاعضاء الذين تواجد طوال فترة المحاوره ومن قلب الحدث الشكر للجمهور الذين يتابعون ولا زالو يتابعون أحداث المحاوره حتى الآن أتمنى قضاء أفضل وأمتع الأوقات مع هذه القصائد الجميله والمميزه لكم خالص شكري وتقديري لكم خالص وأصدق تحياتي مشرف القسم / بدر البدور |
ووجهك ابيض يابدر وقفتك ماتنسي والله ...واشكر الشعراء المتميزين على حضورهم الرائع ولكم مني خالص الشكر والتقدير ......
|
ووجهك ابيض يا بدر البدور ... كل ما نعمله لخدمة صرح شامخ مثل رباع .... وتستاهل رباع كل خير.....
|
بدر البدور
بيض الله وجهك والله يجمل حالك يا النشمي والله يسعد الشعار المشتركين في الامسيه الجميله بجمال نجومها الكرام |
|
بدر البدور
بيض الله وجهك يا النشمي واتوجه بالشكر لكافة الشعار المشاركين وكذلك كل من تابع المحاورة الناجحة بكل المقاييس اتمنى ان تتكرر هذه النجاحات في المستقبل لنصل الى المبتغى بإذن الله تعالى تحيتي لكم جميعا |
رياض يعطيك العافيه
ولك خالص الشكر والتقدير |
مسفر الفضيلي
ووجهك ابيض يالغالي والله يسعدك ويوفقك وعقبال ما نشوفك نجم المحاورات القادمه بأذن الله تعالى لك خالص الشكر والتقدير |
ليل الوعد
ووجهك ابيض يالغالي لك خالص الشكر والتقدير نورت الصفحه بالمرور والاطلاع شاكرين لك متابعة احداث المحاوره على الهواء مباشره بارك الله فيك وعساك على القوه |
اشكركم على هذا التميز وكل من شارك في هذا الابداع
والشكر الخاص لبدر البدور على وظع المحاوره في صفحه واحده ليسهل قرائتها والاستمتاع بالدرر التي فيها مما جادت به خواطر الشعراء الى الامام انشاء الله اقتراح ان تكون الربايعيات شهريا ان لم تكن اسبوعيا |
| الساعة الآن 09:45 AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع