|
تعال يالحزري اشوف معك تنحاش والمتنحش عصاته من عشر
الغالي الحزري ان كان تبغي تقصد وتتسلى معنا مرحبا مليون ولايسدون
انت شاعر منصات ولكن كل حدا محدود ولاتتعدا على حقوق الغير افتح متصفح جديد وازهم اللي تبي يجيك هروله البدع من ابو رائد= *= اشوف موضوع فيه اشكال واغرايب= والله مدري وش المقصد وش الطاري= ماهو ب الاسلوب هذا في قصايدنا= ان كان في خاطرك تقصد وتتعمد= اي سلة المهملات اولى بها منا= *= الرد من ابو رائد= *= لابد تشرق شموس الدهر واغرايب= ان كنت تلميذاً امهذب وشطاري= وكل معنى بيوضح في قصايدنا= لاصرت شيخاً على ربعك وتتعمد= الدين والدعوة الاولى بها امنا= |
الشامان الغالي بيض الله وجهك على كرم الضيافه وعلى المنطق الحضاري الطيب وعلى استخدام صلاحياتك الغير مبرره في حذف مشاركاتي شكراّ لك مره اخرى وشكرا لادارة منتدى رباع وزواره الكرام ومشرفينه الافاضل,,
البـــــــــــــدع ** ماالله حدك على ذا المنطق العائب اخترت لك مفرده ما تسعد القاري ماهي سلوم الرجال .. ولاعوائدنا ختا مها مسك ونصلي على محمد مادام منطقَك هابط فــــ ابتعد عنا الــــــــــــــــرد ** ماهو بنا اللي يدف المـــوتر العائب نعم القرا ياطــــويل العمر والقااري خـــذ ماتيسر ولا ترقب عوايدنـــــا انا من اهل الردى شبعاااان ومحمد اب نوعد اهل الجمايل واب تعد عنا |
صحة الاللسنه والقصايد للتسليه
وتعبير مافي الذات واتركو الحساسيه |
اولا00 الظيف اللي تقول مايطمر من فوق الصوران كان هذا تسميه ظيف
عوذه منه ظيف البيت له احترام وباب يدخل معه الظيف لكي يلقا كرم الظيافه ثانياً00 اخي الحزري وش قصدك كل مارديت على زميلي تقوم ترد هذا ماهو بسلوب ابدا الا اذا اتفق الطرفين وانت تعرف الشي هذا لو مثلا ارسلت رساله نصيه على الخاص مافيها شي تستاذن من زميلك نحن نرسل لبعضنا بعض الا انك تتكابرها حنا في منتدى يخيم عليه الود والاحترام وانت ياخي راسك مليان قصايد افتح متصفح جديد وازهمني والا ازهم اي واحد من الشباب لكن تدخل في متصفح مالك فيه وتقول انك ما اخطيت هههههه كلام مايدخل فالمخ عموما هذا انا وانت في هذا القارعه لوتبغي نوصلها عشرين صفحه وشكرا البدع من ابو رائد= *= العيب من يتبع اسلوباً ماهو صائب= لوتعرف اسلوبنا بتعز مقداري= انحن في المنتدى لما توافدنا= بي ناتهرج ونتسلى ونتقاصد= ماقد حصل مشكله والا تعاندنا= *= الرد من ابو رائد= *= سهم الخيانه مع غدرك ماهو صائب= لوقست شعري مع جهدي ومقداري= الفايده مجمله لما توافدنا= الى متى بالكلام الشين نتقاصد= اما تعا دوننا والا تعا ندنا= |
صح بدنك ياشايب العشرين على المرور المشرف
|
هدّو يااخوان مايسيرمثل هالكلام
والقصائدتنتهي ولا يبقاالا الذكر الطيب 28حرف خلونا نوضفها في ذكر الله والكلام الطيب انحن اخوان ونبقا اخوان مهما يكون اخوكم ابوحسن |
مرحبا مليون يالفقير الى الله مرورك ازكى من فواح الورد لاهنت يالغالي
|
صحت السنتكم والقلوب
|
صح لسانك يانجم الجنوب هذا المتصفح فيه تصفية حساب بيني وبين الحزري
ارجوك تفتح متصفح غير هذا ولا عليك امر يابو محمد |
عوافي يا شباب
صحت السنتكم وبما اننا اسره واحده تجمعنا المحبه والصفاء نتمنى ان تكون القصائد في حدود الادب ولا تخدش الذوق , وتكون شاهده للشاعر لا شاهده عليه ولكم تحيااتي |
مرور عطر يابو نواف لاهنت يالغالي اتمنى ان كلامك يلقا صدى عند البعض
انا باخذ كلامك تاج على راسي ولا اجرح احد ابدا |
اسلام عليكم لالالا اهدو شوي ياشباب الموضوع مايستاهل الحلم اكبر منه
|
الشامان ... الحزري أثنينكم غالين على الجميع ومحشومين ... فإذا كانت المحاوره فتل ونقض في حدود المعقول والكلام الطيّب فهذا الذي نرجوه وإن كانت غير ذلك ... فأنا أطلبكم بتنزيه أنفسكم عن الكلام الجارح والذي لايسمن ولايغني من جوع .... ترونها طلبيّه منّي وعساكم ماتردونها ياعصابة راسي .... |
ابو رائد الحزري اضم صوتي الى صوت الاخوان واطلبكم طلبة اخ لاخوانه ان يظهر الواحد مايجمله من الغير كلكم اخوان وغالين والله لو تتقابلون في مجلس ليستحي كل منكم من الاخر 0 لن تكون متصفحات القصائد الا محبه وتقدير وانت اهل للعلم الطيب لكما مني الحب والتقدير |
اقتباس:
كفو يابو رائد وبيض الله وجهك وهذا ماعرفناك به يالغالي والقصائد ليست قياس لمعادن الرجال تقبل شكري وتقديري |
المبدع محمد الزيادي كلامك تاج على راسي وابشر يالغالي لوتطلب اكثر مما طلبت
والله ماردك خايب وانا مسامح الحزري واعتبر من اليوم لم يحصل بيني وبينه شي والحمد ماهناك انشاء الله شي يستاهل |
ابو احمد ملك الليل كلامك اخذه غراز واتنومس به وابشر يالغالي طلبك غالي وانت غالي
وانا مسامح الحزري ولاكن حصل بيننا شي فديت خشمك يابو احمد |
القاسي مرحبا بك يالغالي مرورك يشرفنا لاهنت
|
صحت السنتكم لاهنتم
|
حيا الله ابو ماجد من طول الغيبات جاب بالقصايد قصدي الغنايم
الله يحييك يابو ماجد بديع زهران مرورك يشرفنا لاهنت يالغالي |
اولا . صحت السنتكم ..
ثانيا يارجاجيل انتم كبار في السن والقدر والمنزله . الكلام ذا مايصير .. تعوذو من الشيطان والشرهات والكلام اللي ماله داعي ادنا مالها. ابو رايد يارفيقي الله يسعدك لاعد ابصرك تسوي كذيه وابتلوي بك بقعاء, ههه هههه |
صح بدنك يالفيسور كلامك تاج على راسي والامور الى التسويه انشاء الله
|
الشامان \ والحزري \ صحة الالسنتكم يالغالين\ وقبل كل شي انتم اخوان واصدقاء ولاودنا احد منكم ان يجرح اخيه بكلمه مالها اساس وانتم اكبر من كذا يعلم الله انا من الناس الذين اتمنا اشوفكم وانتم مثل الاخوان فارجو منكم الالتزام بالحب والتقير مابينكم ولاتنسون انتم على منتدى يليق بسمعتكم الطيبه فلا تاخذكم الغيره على بعضكم بعض والله يوفق الجميع اخوكم ومحبيكم ابو احمد المجاهد
|
شكلي ابنزل معكم ووريكم القصائد انت وياه باقي ماتعرفون صاحب المعالي مااحب اتكلم عن نفسي اكثر من كذا ابغى الميدان هو اللي يحكم
|
ابو احمد المجاهد كلامك تاج على راسي يالغالي لانت ولاهناك شي يستدعي كل هذا الزخ من الاعلام ماحصل شي ولايحصل شي يقدر الخاطر والقصايد تروح مع الريح
|
صاحب المعالي مرورك يشرفنا ولك من اسمك نصيب والحقيقه ان اسمك يخوف
لاهنت يالغالي واذا في راسك شي الميدان ياحميدان قدامك هههههههههههه تراني احب امزح لكن اذا ودك ابشر بالسعد |
اسعد الله اوقاتكم بكل خير هذا منتداكم واكاديميتكم التي طالما اسعدتمونا فيها بقصائدكم وطيب كلامكم وجميل معانيكم وهذا مانرجوه دائما منكم . سبقني الاحبة اخواني الكرام للاحبة بالرجاء وقد استجبتم لهذا النداء . نداء المحبة فبيض الله وجوهكم جميعا . ولكم مني جميعا جميل الثناء |
مرحبا بك يابو احمد ياصقر الجنوب مرورك يشرفنا طال عمرك ابد يالغالي ماهناك شي يتحق الزعل وانت والاخوه لو يامرون على رقابنا قلنا ابشرو رقابنا سداده
اشكر كل من مرمن هنا لاهنتم |
| الساعة الآن 11:27 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع