|
ارحب ياشدا وتعال هلم معي لك علوم
الغالي شدا الشامي خذ هذا البدع
لبدع من الشامان= *= ياشدا مدري تذكرني بعد والا نسيت= القصايد مالها في سوقنا بيعاً وسوم= انحن بي نبدع لكم من روسنا شياً جديد= وانت ماهلا تسلف من فلان ومن فلاني= قلنا منهو بناها لك ومنهو قالها= |
صح لسانك .. شكلك ماتقصدني ياشامان الرد: شدا الشامي= * ياشويمان أقتربت من الخطا وإلا نسيت= الجمل سمحان في جنبه وفي خدّه وسوم= يوم رأسٌ يحتمي رأسٌ ويدٌ تنجد إيد= قبل ماتنصب غرازك مالحبق والنيفلاني= الرواسي من قدر فيها ومن هو قالها؟= ** |
صح لسانك يخي انت مبدع لكن وين تروح مني يابخت عيناً صادفت طلابها
البدع من الشامان= *= انت ماتدري وش افكر براسي وشنويت= ادري انك مثل صقراً ماتشبه بالرخوم= انا باسولف معك وامزح وباعاند واكيد= وانا باسير وبنزي قادمي في منزاماني= المشاكل مابتعرف كثرها وقلولها= |
الشامان شدا صحت السنتكم وتعافت ابدانكم ... نتمنى نقراء محاوره تليق بعملاقين لايمكن تجاهلهما لا على الواقع ولا في عالم الشعر ... تحياتي وتقديري ... |
صح بدنك ياابن الجنوب شدا الشامي مبطي عن قصايده وقلت ودي نمزح
شويه ولايجي شي يكدر الخاطر ابد يعلم الله ان شدا عزيز وغالي والجميع كذالك لكن ودنا نتسلى شويه اذا كان ان شدا يشوف غير هذا انا مستعد اوقف عن القصايد معه يارجال الدعوى ضحك وبهلله هههه ضحكة خنفشـاريةبندقيـــــــــــــةهههه |
صح لسانك يالشامان .. ان كان تقدر في شدا تكفى وانا بقرب لك الحذف وترا مقتله في برطمه هههههههه
شدا الشامي :: مرحبا مليون يا اخي والله لك وحشه ومركزك لا يغطيه سواك صح لسانك عدد حبات المطر |
يا سلام ياسلام صحت الاللسنه والابدان موفقين يالنشاما |
الشامان شدا الشامي رموز الشعر وحكام المعرفه صحت السنتكم مليارات |
الرد: شدا الشامي= * والله إني ماكرهت أصحاب قلبي وشنويت= من يسوّي له عشاش ومن يعمّر بالرخوم= أترك العلم الملشلش وأثبت العلم الوكيد= أنا شيبي ماطلع في رأسي إلا من زماني= خبّروا عني شباب المجتمع وقلوا لها= ** |
الله يصح أبدانكم كلٌ باسمه .. لا هنتم يا النشاما وصح لسانك يا الشامان وخذ راحتك وأنت عزيز وغالي كذلك |
تسلم يالغالي والله اني احبكم فالله الا فالقصايد عزمت بكم هه هه ههه المعذره على التاخير والله كنا برا مانصدق جو الرياض يعتدل البدع من الشامان= *= اما انك رجال تاجي عندنا والا انا جيت= بي نقدم لك من الصفري تمر والبلح لوم= انا قلبي يشتعل بالنار وافوادي وقيد= انا ماودي نكرر في كلامي علم ثاني= والا اغير كلمتي وازيد في تبدي لها= |
الشامان شدا الشامي كبار كبار صحت السنتكم وبيض الله وجوهكم |
تسلم ياملك الليل حظورك بحد ذاته يسعدنا ويشرفنا
|
صح لسانك يا الشامان والعذر منك ومن الجميع .. النوم غلاب وماعد أبصر لوحة المفاتيح نكمل بكره لو حبيت الرد: شدا الشامي= * أنا مدري صابك اللي صابني وإلا نجيت= كل ما غمّضت عيني داهمتني بالحلوم= وأسبق البارق ورجلي في كلبشاتٌ وقيد= قبل تبدي للحروب أكرب حزامك عالمثاني= وإلا لا تتعرض الفتنة ولا تبدي لها= ** |
الله يوفقك ويصح لسانك على هذا الرد اللي مثل الصاعقه غرب الله عليك
تصبح على خير وبكره وخير وانا اشكرك وارجو عدم المواخذه تسلم تسلم والله لايهينك اخوك الشامان |
الشامان صح الله لسانك يالغزله
شداء الشامي صحالله لسانك |
| الساعة الآن 05:22 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع