|
شدا الشامي من انت
امل الرد من شدا الشامي
البدع لقيت عندك يا شدا الفين راس من الحلال تبارك الله كلها من سلالات الدعود لكن جهدك ضاع والمال وبلا فايده رغم اني ادري عنك ما انتب غشيم ولا بخيل وشفيك ما بعت السمينه ولا ذكيتها |
صح لسانك يا ابو هادف ملايين ننتظر شدا يكمل الابداع |
صح لسانك يا النقد الهادف وننتظر شدا الشامي
|
صح لسانك وننتظر شدا ليكشف الحقايق |
صح لسانك يابو هادف .. وأبشر بسعدك الرد: شدا الشامي= * وفّرْ علومك عارفين الحرام من الحلال= وأرجع لوقت الخير وعلى زمان الودّ عود= مال الكفو من طيّب الرّزق وبلافا يده= اللي ذكي يفهم ليا خيّلَت عينه بخيل= ( وشرذمة غافل لك الله ) .. ماذكّيتها= ** |
يا الله عفوك يا ذا الرد صح لسانك ياشدا |
البدع
يا تاج راسي لا تجنب يمين ولا شمال معاني الشعار ما تحتمل نقص وزود خلك مع الهادف وذا تاهت السكه انشده من كثر حبي يا شدا فيك مريت الاتيل حجزت لك غرفه ولكن ما طبيتها |
يا سلام يا سلام .. بيض الله وجيهكم وصحت السنتكم ســــنه يا شدا خلك مع المحقق كونان ومع كل رد حط بصمة ابهامك
|
طبييييييييييخ فيه طبخة ولكن كيف ومتى تستوي الله اعلم صح لسان من بدع ومن رد مطعمم |
ابو هادف صح لسانك واصلو لاهنتم |
اخواني الكرام مرحبا بكم اثلجتم صدري بمروركم الكريم ولا استغني عن تعليقاتكم وتشجيعكم وحماسكم المعروف
|
النقد الهادف شدا الشامي الله يعطيكم العافيه جميع تواجد وحضور وابيات قمة الجمال والتميز |
النقد الهادف شدا الشامي انا لله انا لله صح الله السنتكم ... استمروا لاهنتم |
الرد: شدا الشامي= * أنا معك ماني ملقّي جنوب ولا شمال= ولو ذبحك الجوع زهّبْت لك مايٌ وزود= أدري إنّ قلبك ماتوقّع كلامي .. وانشده= معذور لو تمشي الهوينا ومرّيت الأتيل= ربّقت لي عدّة مراتم ولا طبّيتها= ** |
طيب طيب
رتمت لي عدة مراتم ولا طبيتها الله يسقي زمان المرتمه وناس تقول المنسبه وناس تقول المطبه ربقت اول مرة اسمعها من شدا ولكنها معلومة جديدة في رد خرافي |
اقتباس:
الله يسعدك يا الساهر على المرور والملاحظه ربّق يربّق فهو مربّق ويقال : لاتربّق لي هههههههههه والله وأنا أخوك الكلمه هذي يعرفها النقد زين وشرحها في موضوع هنا با المنتدى وأنا زيّك أستفدت منه هالكلمه وإن شاء الله مايكون عنده مانع يشرحها مرّه ثانيه عشان يستفيد الكل .. وهو سيد العارفين |
ربّقت لي عـدّة مراتـم ولا طبّيتهـا
الله الله وش ذا العلم الله من حمامه تشوطنها وحقاحقه تحت المرتمه صح لسانك |
الربق :للحلال للبهم اعتقد ذالك وشاعر الوادي هو اخبر بذلك |
يعطيك العافيه ياشدا والتربيق هذا كنت احسن واحد فيه لكن اعترف لك انك دكتور تربيق هه
البدع بغيت افصل لك من الوبرالاصلي بشت عال والبسك برده تميزك من غالي البرود وانشا الله ان تركب شبح بعد بعت المازده لكن لو ازعل ياشدا لفتل ذراعك فتيل واللقمه الي باقيه في قدحك ابريتها |
يا سلام يا سلام صحت السنتكم كلام رائع والربق مثل ما قال القحم للبهم عشان ما يسرح ههههه الله لمن هب رقابكم فيه وصوركم وهددكم ههههه>>>>>>>>>>> متأثر بصحيفة سبق
|
الرد: شدا الشامي= * هبّت هبوب الصدق والنار زادت بإشتعال= وآنا من اللي يعشقون الحما بعد البرود= ولو شكى قلب العطش .. من حميم الماء زده= لكنّ لامن شبّت النار في رأس الفتيل= إنفر بجلدك لا تقل من قدح كبريتها= ** |
حوااجب البدع تبارك الله ياشدا سرت منكوس العقال من يوم ركبتك شبح والشبح مالي وقود شد الحزام وقفل الباب الايسر وارصده وارجع ورا وادر ان في سكتك طلعه وميل واحسب حسابك في المطبات لا مريتها |
الرد: شدا الشامي= * خل الجمل يهدر براحته وإيده فالعقال= ولو حند شدّيت غاربه بأحمالي وأقود= وأعدّ خطواته وأراقب مسيره وأرصده= إن ضاق صدره كنّ حذفة عصا لمات ميل= ولقمته تنشب في الزّور لا مرّيتها= ** |
الله الله الله صحت الالسن هنا كلام فيه 30 غبنه واصلوا لاهنتم |
صحت الالسنه ,, واصلو واصلو متابعين مستمتعين ..تقبلوا مروووري
|
الاخ شدا تشرفت بتواجدك معي واشكر جميع الاخوان
|
الله الله الله هنا قارعه وعلوم فارهة من ماركة الشبح النقد الهادف شدا الشامي صحت الالسن وتعافت الابدان |
صح لسانك يالنقد الهادف بدع ولا اروع مثل الذهب الله يسعد قلبك
وصح لسان شدا الشامي ردود اوع ومثل الذهب الله يسعدكم تقبلة تحيات اخوكم الجديد شامان |
صحت أبدان الجميع .. وأشكر كل من مرّنا كلٌ باسمه النقد الهادف تشرفت بالرد عليك .. لاهنت |
| الساعة الآن 12:49 AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع