|
ما انتم عناوينها عند شاعر الرد الساهررر
يالساهر الجاهل اللي حط وقراك تاب= حوَل من الدرب لا طول ولا شيغبا= وانا معك في برور الارض والا بحور= قدامكم مامعي ظنن ولا بحتري= وعلمكم عندنا ما انتم عناوينها= |
صح لسانك يابو محمد وعلا شانك لكن جمع كلمة (بر) براري ...ننتظر الساهر ليضيف إبداع آخر. |
اقتباس:
طيب طيب صح لسانك على البدع الحلو ومشكور عاشق المها عى المرور والتعليق كنت ادخل المكتبه قدام واقرأ كتاب= والحمد لله متمكن ولا شي غبا= ما حيرتني متون الشعر وإلا بحور= وكم قرينا لبو تمام والبحتري= قصايد تشرح الخاطر عناوينها= |
الله الله ياشعار صح الله السنتكم بدع وتوجيه ولا اروع ... ورد على الجرح ياليت تستمرون ولا تحرمون مثل ذا القوارع |
تجي براري وبرور اذا ذهبنا الى جمع التكسير فما قولك انه يجوز للشاعر مالا يجوز لغيره؟
------------------------------------------------------------------------- مايحمل اللول وسط الغبه الا شعاب= انا درست البحور المضلمه من صبا= بعض المتاهات ماتوصل لي الا بدور= الجو لا صار في كل الدير ماطري= ادري انها ماتسيل الا من اعيانها= |
اقتباس:
اللي بطل يمدح الغندور والاش عاب= ماكل واحد وله جاه وله منصبا= رباع مثل السماء يانجم والا بدور= لوما اسم جار الله عالي في السماء ماطري= ولا اصبح اليوم في الديرة من اعيانها= |
جارالله الساهر بيض الله وجوهكم صراحه بدع رائع من جارالله ورد ولا اروع من الساهر قارعه جميله صحت الالسنه لاعدمناكم ياالنشاما وننتظرالمزيد
تقبلو مروري |
جار الله الخامس الساهر صحت اللسنتكم وسلمت ايديكم شعراء الذوق الرفيع والتواجد العطر دمتم جميعا بصحه وعافيه |
صحت السنتكم وتعافت أبدانكم جارالله الساهر واصلو وحنا متابعين |
بنيت لي معرفه وانهيتها باختطاب= حتين ظلي فواد المعتدي مرحبا= ماناصرتها جمال الخبت واحنان زور= والله اني اثني جبال القهر في ناظري= واني اتغلب على الفتنه وجيرانها= |
اقتباس:
اشكر كل من مر وعلق واشاد وهذا من طيبهم وتواضعهم الحمد لله زان العلم والبخت طاب= دامك عرفت اسمنا ياجارنا مرحبا= تزورنا ياطويل العمر واحنا نزور= انتم كما دولة ابن اسعود في ناظري= ماعمرها قصرت في حق جيرانها= |
صحة الالسن |
اي معرفتكم كما سيفن غدا في نصاب= ياوافي المعرفه والجود والمنسبا= انا اشهد انكم رجال وقدركم شيخ دور= ياسعد من مر وتبدا لكم خاطري= يجد مجالس بدايتها بفنجانها= |
اقتباس:
مشاعر الحب فاضت وانت وافي نصاب= وضيفكم تكرمونه لو يجي من سبأ= ذيك القصور التي تشهد ولا شي خدور= نلقى ضيافه وهرجه تشرح الخاطري= وباقة ما الورود اللي بفن جانها= |
لما عرفنا البطل ماوقفتنا العتاب= نبني ولا صار وادي شعرنا منضبا= لجل ان ماجا من الساهر بداية قصور= للونعم اللي على القالات انا حاضري= لو كان في تالي الهجره وبدوانها= |
اقتباس:
هبيت يدي على باب القصر والعتاب= والا اني اشوف نور القاهرة من ضباء= مدري بداية فلل والا بداية قصور= القاهرة عودت للبدو والحاضري= في وسط ميدانها شاهدت بدوانها= |
صحّت ألسنتكم يا النشاما .. لاهنتم تقبلوا مروري |
صح لسانك يالساهر على الردود الذي يشرح الخاطري والى متصفح اخر خلك قريب . اشكر كل من مر وعلق كلن بسمه لا عدم لا عدم. موفق |
| الساعة الآن 06:43 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع