|
اللي مزاجه عرضه يشاركنا بردوده
السلام عليكم ورحمة الله وبركاته يالله يا شعار هات الردود البدع اسيف الكلمات يا صاحب الصيدليه في لساني جمود ابغي علاجك يداوي لا تزيد العقود الصوت غير طباعه واعلن الحرب لي مدري من البرد ذل والا من القايله |
حياك الله يا اسيف ابدع وبيجونك الشعار |
شـكــ وبارك الله فيك ـــرا لك ... لك مني أجمل تحية .
|
مرحبا بك الاخ اسيف الكلمات عند من رحب بنا قبلك وتقبل ردي المتواضع ان كان راق لك يا مرحبا بك رباع افعالهــم هي جمود الضيف يأخذ مواجيبه بمر العقـــود من عقبهم في الضيافه صار كل حر بلي خذ الكلام الصحيــح اليوم من قايله |
تسلم يالغالي وبارك الله فيك وردك ماشاء الله عليك روعه وانت اروع وانا بارد عليك بهذا الرد لعلنا نستفيد من خبرتكم البرد زاد المفاصل عقد والدم جمود فالعيد كل ن على بيته تزين العقود لا لف جسمه بذاك الفرو والحنبلي يزهب البن الاشقر والغنم قايله |
اسيف الكلمات صح لسانك وترى رد الحسني كان افضل من ردك مع احترامي لك لان البيت الاخير ماشقرته جبت نفس المعنى تقبل ودي واحترامي الحسني صح لسانك |
الله يسعدك تسلم ومشكور على مداخلتك لكن القايله في البدع الاول يعني الشمس الحاره وكبار السن يقولوا وش قعدك في القايله يعني وقت الظهيره اما بالنسبه للارد في الثانيه فالقايله معناها غير حيث ان الغنم اذا جلست تحت الشجر لمده بسيطه يقولوا عنها الغنم مقيله يعني جلسة تريح هذا علمي وسلامتك لكن برضه انا معاك ان الرد الاول ممتاز وصراحه راق لي واعجبني |
فهد صح ابدنك اسيف لله لا يهينك في ردك اللي حطته يوجد بعض الملاحظات وان كنت تبغى الفايده لا تزعل بيجيك جار الله بن خامس ويوضح لك اياه ا تقبل تحياتي
|
السلام عليكم ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين تسلم يا الغالي الله يحييك انت وجار الله ومن يعز عليك انا ما جيت هنا الا ابي اتعلم وابد ما فيها شي اذا لاحظت شي غلط اوفيه انتقاد بالعكس انا والله افرح ورحم الله رجلا اهدا الي عيوبي وتكفى واللي يرحم والديك اذا فيه شي حسيت انه غلط ادخل في الموضوع على طول ووضح الشي هذا بدون اي تحرج اومجامله لانك بالطريقه هذي تساعدني على تحسين مستواي وتحياتي الخاصه لك مره اخرى كلمات اسيف الكلمات |
اسيف الكلمات الحسني حياكما الله في هذا المنتدى الكبير قصائدكم يعلم الله انها ذات مستوى عال ونحن هنا لكي نتعلم من بعض وانا اتمنى من الذي له مزاج قصايد يتعلم وياخذ فكره عن الطرق والشقر والقافيه مثلا قافيه اسيف (القايلة) معناها الراحة من التعب بعد العناء وقتها من زوال الشمس كلمه مااثوره من الاجداد نقول قال الرجل وقالت الغنم الرد عليها ( القاي له) من المواجهه والمقابله واذا شدينا الحيل وطلبنا شقر ثالث (القايله ) من الكلام والقول . الكلام يطول في هذا المجال ولن تكون شاعر الا اذا تعلمت اساسيات القصيد وهذا ملاحظ كثير في مجالس القصيد اشكر اسيف الكلمات والحسني على المشاركات الفريده ونتمنى الاستمرار من اجل الوصول ... موفقين |
يعيطك العافيه يا جار الله على التوضيح وما قصرت
الاخ اسيف الكلمات لك احترامي وتقديري بالنسبه لردودك الثاني انا اشوف بعض الملاحظات والتي سوف اذكرها لك وانا والله اني تحفظت بها لنفسي لان ما هو كل واحد يتقبل الانتقاد وخصوصا انه ضيف جاي اول مره فخوفي انها تنفهم بمفهوم ثاني ولكن ما دخلنا هنا الا نعين ونعاون وفي من هم اعرف مني ويمكن ان ينتقدون ويشرحون تقبل ملاحظاتي في البدع الاول يا صاحب الصيدليه في لساني جمود جمود في الشطر الاول ومعناها واضح جامد وهو الشي اللي لا حركة له في الرد البرد زاد المفاصل عقد والدم جمود جمود معناها واضح برضه انه تجمد من البروده وصار لا حركة له فلو قارنت البدع والرد تلقى المعنى متشابه الى حد كبير وهذا يخالف الشقر نجي للبيت الثالث الصوت غير طباعه واعلن الحرب لي طبعا ما فيه شي البيت واضح الرد لا لف جسمه بذاك الفرو والحنبلي البدع في الشطر الثالث انهيته بكلمة الحرب لي الرد في الشطر الثالث انهيته بكلمة الحنبلي فلو اخذنا شقر كلمة الحرب لي ما تجي نطقيا معا الحنبلي نهائيا الا على وزن فقط وبالنسبه للقايله في البدع والرد اتوقع ان شرح جار الله ما علينا زود من وراه تقبل تحياتي والله يعطيك العافيه وسامحنا على الاطاله |
تسلم يا جار الله الخامس والحسني وفهد والله العظيم اسعدتوني بطيبكم وتواصلكم وان شاء الله من احسن لاحسن عندي بدع جديد اتمنى تشاركوني فيه لكن ودنا من اصحاب الخبره ينزل موضوع ويثبت ليبين بعض المصطلحات في العرضه ومنها على سبيل المثال القارعه وغيرها كثير انا ما عندي خبره والا كان ادليت بدلوي البدع صَوَت العاشق وصفر لها عند الشروق لحنها الجنه ولحنه طرب وانحاسبه كلما جته الرياح السموم الساحليه مادرا عنها وعلمه يطول و لا يطول |
حيا الله الجميع وصحت السنتكم وابدانكم على قصائدكم بدع ورد وشرح
نحن جميعا نجتمع هنا للفائدة والتعلم وان نبني أساس قوي للقصائد لنحافظ على التراث الاصيل كما هو |
تسلم يا الحسني وشرحك على الراس من فوق ترى ما شفت ردك وشرحك الا بعد ما نزلت البدع الجديد وتسلم لي يا الغالي اتمنى تشاركني دوم ومنكم نستفيد سلامتك وصح لسانك
|
| الساعة الآن 12:58 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع