|
مس شيطان والا . . ؟؟؟! (( بن هنــــدي ))
البدع // يابن هندي ودي آنشدك عن بعض البلاد= البلاد اللي تغاليت عنها وانتهيت= مدري صابك مس شيطان والا شي خلاوي؟؟= والا في قصدك تدوّر ثياب (ا) مغزله= حوااجب |
صح لسانك والله يعطيني خيرك يابو سعيد مدري وش تدور له؟؟ ودي تخلي كل موطى مغطى والدنيا شيل وحط لين الله يختار خيرته لي عوده للرد |
صح لسانك يابوسعيد وننتظر الشاعر القدير بن هندي يوافينا بالجواب |
يابو سعيد حياك وحيا بدعك الملغم وهنا الرد الذي ربما يكون مرضي لك شويييييه وأسمحني بالقصور وترانا على قد المعرفه: اشكر من مر وعلق على هذه المشاركة والله يقدرنا على العلم الزين كم عرفت من العقول الذكيّــه والبلاد= وأنت لاتنشد وأنا قد نهيتك وأنتهيت= أنا والله لاني أهبل ولا عقلي خلاوي= ولاني ماللي يماشي عقول (إ)مغزّله= |
سعد الدوسي بن هندي يعجز اللسان عن الشكر ....وتعجز الكلمات عن التعبير صحت الالسن ...وبارك الله فيكم ... عظيم شكري وتقديري |
صحت السنتكم ..
بدع فيه بلاء ورد فيه دواء ,, الله يعينك يا سعد على بن هندي ويعينك يا بن هندي على ذا الدوسي .. لا تدخلوني معكم في الغزله .. اخبركم ما لكم في الطلبات ولا النشبات الا اذا تغيرتم بعد ما جيتم رباع فهذا شي ما ادري عنه .. متابع والله يسمعنا خير ^_^ |
سعد الدووسي ...بن هندي ...
صحت السنتكم يعطيكم العاااااافيه والمعنى فى بطن الشاعر تقديري .... العلم الاخضر |
حي الله من شرفنا بمروره الكريم وآنا المتصفح بطلته البهيه كلاً بآسمه لاهنتم وصحت آبدانكم .. آنا الفتره هذي بحول من الله وقوه راح اتفضى للبعض الذي آشغلتنا عنهم ظروف الحياه ونسأل ونحقق ونستنتج وننظر في الآمر حوااجب صح لسانك يابن هندي وافي يا عم .. والله يعيننا جميع وان شاء الله الموطى يبقى مغطي والمعنى في كرشة الشاعر البدع // اطو صفحه مالنا في جوانبها سداد= والتفت صوب الذي عمّر الغالي لفيت= آنا جيت آنظم بيوت الشعر وآقصد كناوي= وانت كيفك صعب الدرب والا ذللـه= |
طيب طيب صحت السنتكم ملايين وأنت يا سعد حل عن شيبتنا والا خلها غزل تراه يضلي ما يسمع فيك لا وجهت له غزل شفني قلت غزل ما قلت مغزله ههههه |
حياكم الله ياربعي والله لايهينكم كلماتكم وسام شرف ولها قيمة وقدر عالي عندي الدوسي مدري وش يبحث عنه ولكن بنماشيه ومصيره يغادر الدوام والشفتات قريبه وبعدها دورني ماتلقاني ويرجع لنا بعد اسبوع وعلى هالمنوال الله يعيننا عليه رد بن هندي= لو بغيت أرميك ياجي لرميتنا سداد= لكن ريّح خاطرك دام يالغالي لفيت= مبغي أوضّح ولاقلت أنا بقصدك ناوي= وأنت حللها وقل خوف وإلا ذلّله= |
ابو سعيد صح لسانك واشتقنا لك ولقصائدك من زمان الله يحييك تراحيب السيل
|
بن هندي صح قلبك وتعافى بدنك من كل شر ردود وافي يا النشمي
|
حياكم الل جميع ياكل من شرفنا وصحت آبدانكم ولاهنتم على مروركم المُشرّف ،،، صح لسانك وعلآ شآنك يابوماجد رد وافي لاهنت يالنشمي ،،، استلم وآنا فداك ... البدع ... رحت للجلاّب في مقصدي باشري نجاد= وانت ياكبش النجادى غليّ (ن) وشحميت= لكن بن هندي لفاني وحَلّ آكل المطاوي= وشب بن هندي حرام المربي حلله ؟؟= |
ههههههههههههههههههههههههههه
ابن هندي يحق له الله يرجك يا سعد تبغى تنزي بن هندي صح لسانك نشوف وش عند اللي يحلل المربى |
ههههه ما عليه يابو ريماس خل آبو ماجد يآخذ راحته وآنا باوريك فيه وبيجيك الدور ياذيب سرحان كم لي عنك وعن غزلتك ههههه صح الله بدنك وعافاك ورعاك شاكر لك مرورك |
مدري كيف عجناها وكيف طلعت معنا وأنت لاتتشّره خذ الميسور تحيه للذين عطرونا بالحضور والمداخله والله يعينني عليك وعلى الشبرقي:أنا ويش جابني في منتديات رباع؟؟؟ مانت باللي تحمي الدين(لا) ياحمد نجاد= رافضي خاين ودجال قلي وش حميت؟؟= السنه في دولتك طالها ضرب المطاوي= والشيعي خذ حق غيره وهو ماحلّ له= |
ههههه اصبر علينا ياعمنا .. صح لسانك ولاهنت استلم البدع ... آنا بآخذ لي حجاره وارم ذات العماد= واللي يحجب سكتي بآسحقه بالدينميت= الحذر لاتحسب انه تخاريف ولغاوي= خطوتي ماكنها الا رجيج الزلزله= |
مرحبتين كبار ياسعد وياويلي من مداحشتك يظهر إن فيه من دزّك علينا الله يكفينا الشر
سورة الفجر أخبرت عن إرم ذات العماد= يالله كملني بديني عسى بالدين أميت= أنت إذا كانك تغاوي بنفسك وإلا غاوي= قلي وأنا أقراء عليك الفلق والزلزله= |
ههههه قلي وآنا اقرا عليك الفلق والزلزله !!! طيب ياخه طيب .. ما معك فكه ياعمنا ماحد بيصبر على هواجيسي غيرك ومالقيت آتغزل الا بك ههههه الهجير يبغاني اهب لك غزله مدري غزل وضاعت كلتين واصبحت نفره استلم وانا فداك ،،، البدع ... النخيل المثمره خيرها والتمر قاد= وانت يا نخل الفلس صرت خاوي وشهبيت= يابو ماجد علم اللي بدا الحيله بوادي= زمن الحيلات ولى على ايش (ن) حيّله= |
اشكر من عطرنا بمروره وأسعدنا بمشاهدة مداخلته بيض الله وجوهكم يالغالين هاك ياسعد وفكنا من النشبات وأنا ابن عمك ياسعد ياكم ترقبتكم وأنتم رقاد= ثم قمت وجيت لكن قلي وش هبيت؟؟= أنا في راس الجبل معتلي وأنتم بوادي= والذي ينوي قتالي نويت نحيّله= |
ههههه طيب طيب ما عليك من النشبات يابو ماجد خبري انك لها ولغيرها ،،، البدع ... كاف هاء ياء عين راء سين لايق نون صاد= سبحانك يامن جزيت المخالف وشرميت= ما تعنيت آرضي اللي تحدث من زراوي= كل ما عجّل تلولى كما بتلتله= |
إييييييييييييه ياسعد أنفخني بالكلام وخلني أجيبها والناس تتفرج على قصايدي وتضحك أضحك الله أنيابك أيها النمر
الذي له عين تبصر ولايق نون صاد= وأنت في عينك رمد مابتدري وش رميت= ليت مثلك لانتزي ينتزي في منزى راوي= أبتل في دربك وقل بعده أش بتلت له؟؟= |
ههههه لله درك ياداهيه لله درك ما عليك ماحد حولنا ماهلا آنا وانت في ذا المتصفح والباقين مشغولين حول معمر وربعه ^_* البدع ... كنت آجادل بين قيف القياما والقعاد= لين صارت مشكله في الضواحي وشكليت= يابن هندي وضَحْ روحي بلاها منك لاووووي= حسبك الله يا بلى الروح وشْضَحّيتْ له= بندقيـــــــــــــة |
ياحبيبي أبو سعيد
صح لسانك ملايين ووالله إن ردي هذا ماهو اللي كان على البال ولكن غيرته بمناسبة قرب العيد ارجو قبوله بالطريقة التي طرحتها امامك والعذر بالقصور الضحايا جايزه مالبهايم والقعاد= ضحّ وتصدق ولاعد يهمك وش كليت= واكرم الضيفان من طيب لحم ومن كلاوي= وأهد جارك وإلا بالله وش ضحيّت له= |
اثار شي دياسو هنيه ماعندي علم عنه الا بعد نزلت الموضوع يا ابن هندي صحت الاللسنه وتعافت الابدان موفقين |
safaqah الشيخ بن هندي بيّض الله وجهك وصح الله لسانك يالغالي ولاهنت وفيت وكفيت وانت لها ولغيرها ربي يحفظك آسعدتني بهذه الجوله الشيّقه ولنا لقاءات آخرى ان شاء الله لك خالص ودي وتقديري تحياتي |
اقتباس:
حياك الله ياشايب العشرين وهلا بك في كل حين صح بدنك وعافاك تحياتي لك |
| الساعة الآن 12:15 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع