سلام الله وعاد العيد ياعواد وقت العيد =تناسم عيدنا في عيدكم والهاك باوقاته
اشوف ان الهجير اقبل وعيد بيننا ياعيد=وسالف عصره اللي فات بالجيات روحاته

الله الله ياشاعر المحاوره .. لاهنت على هذه الرائعه

وننتظر الهجير ليكتمل الإبداع


تقبلوا مروري

هلا وحياك الله يابو شهد
وكل عام وأنت بخير
وتراني مافهمت الفرق بين العيد في شطر البيت الاول وشطر البيت الثاني

الرد=
هلا يا مرحبا يابو شهد كلْ عام وأنت سعيد=ومثلك نفتخر به بيننا وابنسمع أبياته
ولكن الحذر لا يكثرالتكرار والترديد=مجال الشعر واسع ليتنا نعرف مجالاته

طيب طيب
صحت السنتكم

سلّم راسك من الحذفه وموطى السير يبلا القيد=ومن ضيّفك ما يفنا ولا بيدك كلبشاته
وذا تنشد عن الترديد فالترديد فيه الفيد =وفهم الشاعر الماكن تعدى شوف نظراته

ابو شهد

خلاص السالفه راحت بلاش نعيدها ونزيد=بطيب أخلاقنا ما نمسك الشاعر بزلاته
ترى يابو شهد بعض البضايع ترفض التوريد=تركد وأنتبه للبث لا تخلف محطاته

ياسلام ياسلام
سيبوها سيبوها ههههه

مبدعين الله يوفقكم

العلم الاخضرالعلم الاخضرالعلم الاخضر


حنا نشجع ونتابع

على قولتك يازهران بلاش تعيدها ونعيد=وهيض الشعر ما سكنت فتحاته وضماته
خلوج الشاعر الناشد غزا عالي الفضاء والبيد=ومن يقرا دواوينه فلا يقرا مجلاته

ابو شهد

الله الله

فتل ونقض .. وأبو شهد شاعر عنيد


تقبلوا مروري

ترى الاسماء نغيرها على ما نشتهي ونريد=ترى المضمون شاعر تحفظ العالم كتاباته
على وضح النقا ماهيب بالتخويف والتهديد=أسامي فوق نظرات الغشيم وفوق هقواته

على هونك ياعنتر ما بينطح راسك ابو زيد=ولو سميت نفسك عنتر ابو زيد هو ذاته
مسافر مصر ما يخشى اذا سافر على مدريد=ولا الومه اذا يخشى من المصري وسرقاته

ابو شهد