|
عتاب إبن الجنوب على مسئولي الثقافه والفنون بمنطقة الباحه...
البدع:إبن الجنوب= *= اسمعوا وافهموني يارجال الثقافه والفنون= منطقتنا لها تاريخ مكتوب ومسطّر من الدم= وثّقوه الرجال اللي لهم شآن ولهم منزله= أما سيروا على النهج اللذي كان وبلاشي مياعه= وإلآ ماهي مصيبه لو قعدنا بدون مشاركه= بعض الافكار ترفع مجتمع فوق وتواكب حضاره= وبعض الافكار راعيها تفنّن وجاء بالغايبه= انكان اهدافكم رحله وشيكات وفنادق وإجازه= عزّ الله ماتجمّلتم دثرتم تراث المنطقه= *= الرد:إبن الجنوب= *= ادري ياصاحبي لاريتيني قلت يفداك الف نون= اما الى غبت عنك تقول ملّيت من قربه مندّم= هوسبب في تزايد ضيقة الصدر والهمّ انزله= اقدر احطّ للقلب اللذي هام قفل وشيمياعه= واقدر أحدّ رجلي عنك حتى تسير مشاركه= اغتنينا بفضل الله نآخذ مطالبنا بحضاره= مالنا نصرفه ويروح ماهو هدف والغايه به= خذ نصيحه من أبدا طيب خاطر معك داره وجازه= وانتبه تنخدع في شخص قدام تسمع منطقه= |
يالالالالالالالالالالالالالالا عـــزّ الله ماتجـمّـلـتـم دثــرتــم تــــراث المـنـطـقـه
الله الله علومن تهول |
انـكـان اهدافـكـم رحـلـه وشيـكـات وفـنـادق وإجـــازه
عـــــزّ الله ماتـجـمّـلـتـم دثــرتـــم تــــــراث الـمـنـطـقــه صح لسانك يا ابو سالم .. وحليل غامد وزهران من بعظ ابنائها |
صح لسانك وبيض الله وجهك والله يعطيك العافيه
والله انك كفيت ووفيت نيابه عن كل من اتعب صدره ما شاف من مشاركه لا تجمل على المنطقه ولا سكانها ولا تراثها اسعدك الله دنيا واخره |
صح لسانك يابو سالم وعلا شانك يالنشمي وهذا يدل على أصالتك وغيرتك على تراث أجدادنا الله يرحمهم ولا قلت إلاّ الصحيح وليتهم ينتسمون وكان ...يا أخي كل سنه نقول بيصيرون أحسن إلاّ وهم أردى ....لا حول ولا قوة إلاّ بالله ..دمت متألقاً في سماء الإبداع..
|
الله يعطيك العافيه
|
صح لسانك يابو سالم والسنه هذي مصخوها اكثر عندما
اتو ببنت وسط العرضه عمرها تقريبا 10 سنوات ترقص والله انه شي يندى له الجبين |
اقتباس:
شاكر ومقدر لك مرورك يابو سمره لاهنت... |
اقتباس:
صح بدنك يابو سند ويجب على كل غيور من أبناء غامد وزهران عدم السماح لمجموعه بسيطه تشوّه عاداتنا وتقاليدنا والعبث بتراثنا تحت مسمى التطوير ولن نسمح لاي كائن من كان أن يسطع إسمه ويعتم الملايين... |
اقتباس:
صح بدنك يامسفر ووجهك ابيض وما شاهده الجميع يدلّ على عدم احترام من القائمين على تراث منطقة الباحه لمشاعر الآخرين ونسف كامل لمفهوم التراث الاصيل فاين نحن من قصيدة عبدالواحد بن سعود... رقصنا بالخناجر والسيوف البريعه والجنابي رقصة الموت ماهي رقصة اهل الطرب والدندنه |
اقتباس:
صح بدنك وشاكر ومقدر لك مرورك الكريم ولعلّ وعسى يكون القادم أفضل ويتلافون الاخطاء اللتي قد يراها البعض بسيطه ولكن صورتها عكسيه... |
اقتباس:
يعافيك ربي يالرميصاء وشاكر ومقدر لك مرورك الكريم... |
اقتباس:
صح بدنك أخي الفاضل ونسأل الله لنا ولهم الهدايه ... |
بيض الله وجهك وانا اشهد انك اقديت في تالقصيدة اما يقدمون شي يستاهل وتتوارثه الاجيال والا يرتاحون ويريحون ماشي زحمه الله يفضحهم فضح لحم السوق
بعض الافكار ترفع مجتمع فوق وتواكب حضاره وبعض الافكار راعيها تفنّـن وجـاء بالغايبـه انكان اهدافكم رحله وشيكات وفنـادق وإجـازه عـزّ الله ماتجمّلتـم دثرتـم تـراث المنطقـه |
اقتباس:
ووجهك أبيض يابو أحمد وهذا جزاء من يوكل الامر لغير أهله... شاكر لك مرورك الكريم.. |
ابن الجنوب جميع عبارات الشكر والتقدير عاجزه عن شكرك على ماقدمت من ابيات صيغت بمهاره من القلب وصلت الى قلوب المشاهدين سلمت يداك ودمت قمرا مضيئا في سماء الشعر الجنوبي الاصيل |
عتاب ابن الجنوب على مسئولي الثقافه والفنون تقول ابن الجنوب كما عبدالله الجبالي اولا اشكرك على الكلام الحلو لكن حبيت اقولك انا اخذنا المركز الاول مكرر لهذه السنه انا مااشره عليك لكن اشره على اللي علقوا وراك |
اقتباس:
شكرا لك على مرورك الكريم وطيب كلامك ... دمتي كما تحبّي... |
اقتباس:
أولا: أحييك على حماسك الزائد ياشيخ وبالنسبه لعبدالله الجبالي بسلامته مااعرفه... ثانيا: أنا قصيدتي موجهه للمسئولين في ثقافة الباحه وانت الضاهر لاتمثل كونك تشيل الزير أو ترقص هذا إذا تجيد الرقص مع العلم ان البنت اللي طلعت في المقطع ضيعت الرقاصه ... إذا على بالك بدفاعك عن المسئولين حتكون من المقربين تراك غلطان لان ماحد درى عنك ياشيخ فهد وبعدين اعصابك ياشيخ نحمد الله ان مالك منصب في الدوله كان افتريت في الناس الله يهديك بهداه ... أما المركز الاول فنسأل عنه اعطي لكم بناء على جهودكم ام بناء على التطوير اللي لاحظناه وانا ماكتبت القصيده يافهد الا بعد مادخلت اكثر من موقع ادخل وشوف ماذا قالوا عنا وإلآ امسك ارضك وترى الكلام اللي ماإنت قدّه لاتتلفظ به وإنا إذا لك عندي شي وتبيه خذه بعيدا عن المنتدى لاتشغل الناس هنا وتعرف توصل لي إذا بغيت... ملاحظه:اللي علقوا على القصيده كان بإختيارهم ماجبرتهم لكن غيورين على ماتركه لنا اسلافنا من عادات وتقاليد نعتز بها وتراث يشرفنا امام الآخرين ... |
وووردبدع ابو فيصلووورد لا تـشـرّه يا فهد قزعه واعرف وش تقول ناس في ضحكن تشمّت وناس ٍ في ذهول وانـتـقـاد اهـل الـشـيـم والـكرامـه والعقول مـفـتـرض يـبـنـي ويـرقى بنا في كل حول ذا تـراث اهـل الـوفـا والـشجاعه والحميِّه واجـبـك تـحـمـيـه بـالـسـيـف الاملح والقنا |
اقتباس:
صح لسانك يابو فيصل واسمح لي بالرد عليك... *= الرد:إبن الجنوب= *= ياللي تلوي في الملاعب ولا سجّلت قول= من براد العافيه تتّجه لملاذ هول= والجمال العاديه في المداور والعقول= وانت تقلع رجل والثانيه بين الوحول= سار عادي بارد اللقمه عندك والحميّه= فيك مافاد الكلام المجمّل والقنا= |
لاشك ان الجمعية وكافة الافراد المشاركين قدموا الشي الكثير هذه السنة ولولا ذلك لما اخذوا المركز الاول .. وعتبنا هنا عتب محب لاعتب كاره . تخيل وسط العرضة تنزل بنت تتمرقص وسط الرجاجيل وكأننا في مصر او سوريه والله لايرضي الله ولا يرضي خلقه هذا عتابنا فقط ابعاد النساء عن تراث الرجال الاصيل . وهذه اعتبرها غلطة الشاطر يتحملها رئيس الجمعية الشاعر علي البيضاني وحده . الانتقاد والاختلاف ظاهرة صحية وهذا واجب على الجميع لنصل بمنطقة الباحة الى المستوى المأمول بإذن الله . |
أخي الغالي صقر الجنوب :مافيه إنسان عنده إنتماء لوطنه أولا ولمنطقته ثانيا ويودّ أن يظهر في المحافل أوفي اي مكان كان بصوره غير لائقه إلآ من لايهمّه سوى نفسه... علي البيضاني أنا اعتبره صديق شخصي وبيني وبينه زاد وملح واتصالات وقصايد قد تتجاوز معرفته بفهد قزعه ... ولكن هذا لايعني السكوت على الغلط ... إذا كان فهد قزعه يملك صلاحية التحدث بإسم الجمعيه فيناقشنا بكل هدوء ويبتعد عن النعره وشوفة النفس اللي مالها أساس وإذا كان يعتبر بمثابة شخص عادي حضر في حفله وجوده يشبه عدمه فلماذا كل هذا التهجّم علينا يترك الامر لمن يعنيه الامر... ياأخي والله تعبنا يانسكت على الغلط يانعتبر نفوسنا داخلين حرب ... من هنا يثبت لي فهد قزعه عكس مايقال عن مشاركة الباحه لهذا العام وأنا مستعد أعتذر للجمعيه وللقائمين عليها لو كلفني الامر اطلع لهم في الباحه وإلآ يريّح نفسه ولا يجادل في ماليس له به علم... تحياتي وتقديري وتمنياتي لك وللجميع بدوام التوفيق والسداد... |
وفيت وكفيت ياابن الجنوب وصح لسانك ملايين والضاهر المسؤلين في التراث
انطبق عليهم المثل اللي يقول بغى يكحلها واعماها بغو يطورون التراث وجابو الطامه لو كان انسمو وخلو التطوير لهله احسن لهم وترى اللي يشوف منضر العرضه في الجنادريه والبنت ترقص بينهم يحسب ان هذا االلي حاصل عندنا نندر البنات يترقصنه في العراض والله انها قمّة السخريه وسوّد الله وجوههم |
اول ماأنتقدك ارحامك على هذه القصيده الرائعه اما كوني اشيل الزير اهون من اني اشيل حاجه ثانيه عموما التقييم كان لجهود الفرقه الشعبيه يعني العرضه ماله دخل في تطوير البيت اغو الوفد كامل بعدين البنت اللي نزلت ترقص حصل معها مقابله ربما تطلع في احد القنوات اوفي الصحف لكي تثبت انها نزلت ترقص اختياريه وابوها موجود وامها موجوده ولاتنتمي للباحه اما اللي علقوا في مقطع اليوتيوب فاشكلهم من الباحه ربما شرذمه قليله بمعدل 20 % واما التعليق العاقل اللي نظرته كبيره فبمعدل 80% |
يافهد قزعه كلمتين باقولها لك أسمعها زين وكم مره قلت لك إذا لك عندي شي خذه بعيد عن المنتدى ماودي والله نقعد نتجادل انا وياك ولن نطلع بنتيجه وعيب نقعد نزيد ونعيد قدام الناس هنا... 1- أرحامي لهم وجهة نظر زيهم زي اي واحد أبدا وجهة نظره في هذا الموضوع وانا مااقدر اكمم افواه الناس مع العلم إن ماحد كلمني منهم بهذا الخصوص لكن مستكفين فيك يمكن وأنا اتقبل النقد من اي شخص إذا كان في مكانه واعتذر عن كلمه قلتها ولكل شخص يرى إني اسآت له... 2- البنت اللي في المقطع الله يستر عليها وعلى ابوها وامها مالنا علاقه فيها يهمّنا ماتشارك به المنطقه أن يكون فوق مستوى النقد ... لايهمنا أخذ المركز الاول بقدر مايهمّنا تكون المشاركه مشرّفه ...ياأخ فهد في اختيار ملكات جمال العالم رغم إن التشبيه بعيد لكن اوضح لك احينا يختارون (فرخه)يمكن ماحد يرضى يستقدمها شغاله في بيته ... 3- بطرح عليك سؤال انت وكل من انتقدني على القصيده:أكثر الحفلات في الصيف تقام في رباع في قصر الاجيال والجيل عندكم إستعداد تجيبون بنت أو ثنتين بعمر اللي في المقطع أو اصغر مافيه مشكله يرقصنه مع إن حفلات القصور ليس لها حضور كما في الجنادريه جاوبني على هذا السؤال فقط؟؟؟ وانا اكتفى هنا ماعد عندي اي كلام اضيفه في هذا الموضوع... |
ارجو من احبتي اقفال الموضوع نهائيا ونبقى احبه واخوان وارحام واقرباء واصدقاء
ومشاركة الباحة انتهت بخيرها وشرها . نحن نشجعهم وننتقد الخطأ اذا حصل انا شخصيا والله ما اطلعت على الفديو اللي فيه البنت لكن سمعت انها نزلت وسط العرضة الاخ فهد بين الحقيقة انها من خارج المنطقة وان اهلها هم اللي شجعوها للمشاركة انا اقول اصطفقوا عقل ابوها وامها كان انتسموا هم وبنتهم ماحد شره عليهم وكان المفروض من القائمين على مشاركة المنطقة منعها وعدم السماح لها كون هذا الفعل لايمت الى تراثنا بصله اتوجه بالشكر الجزيل الى رئيس واعضاء فرقة الجمعية المشاركة لهذا العام ونقول لهم مبروك المركز الاول للعام الثاني على التوالي ونكرر لهم اننا من حبنا لكم انتقدناكم والقادم بإذن الله اجمل . |
. . . ... |
اجاوبك ابشر اذا تبغى جواب العقل
اذا جتنا عروس من قريه ثانيه وجامن ضمن الضيوف رجل ومعه بنت صغيره بنت صغيره وكان عندنا عرضه وهو قاعد يعرض وبنته معه ترقص احنا كناس عاقلين اكيد بنتقبل الموقف |
اخواني الافاضل الله يعطيكم العافيه جميعا مريت على هذه الصفحه سابقا شاكره للشاعر ابن الجنوب على ابياته الرائعه التي لا يجيدها الا شاعر مبدع وهو غني عن تعريفي او شهادتي وجميع من مر وعلق اشاد بجمال الابيات ومضمونها وهي وجهة نظر الشاعر التي عبر بها من خلال ابياته التي هي مجرد عتب واضح من عنوان الابيات ونحن هنا وفي منتدى رباع اعتدنا على حرية التعبير وطرح وجهات النظر ولو حدث بعض الاختلافات فالحترام والتقدير باقي بين الجميع ولا يفسد للود قضيه ومن حق اي من يمر او يعلق ان ينتقد او يبدي ملاحظته او يبدي اعجابه بالابيات ولكن لا يحق له ان يتلفظ بالفاظ لا ترضي الجميع لاي من الطرفين سواء من طرح الابيات او من علق عليها ولا يحق له ان يحول الصفحات الى ساحه لاثبات من الافضل انا لن اوجه كلامي لاي طرف ولكن اوجهه للجميع ولكم حرية الحذف ولي حرية طرح وجهة نظري وكتابة كلمة حق بكل صراحه ووضوح واتمنى من الجميع عدم المجامله فهنا قسم يفترض من الجميع اداره واعضاء التعاون في ابرازه بالشكل الذي يشرف الجميع فهو قسم خاص بالموروث الجنوبي وجميع شعراءه من نخبة الشعراء يعتبرون اساتذه يتعلم منهم الصغير والكبير ويتخرج على ايديهم الكثير اتمنى ان اكون اوصلت مافي نفسي بكل صدق وامانه وطرحت وجهة نظري وانا اعلم انها قد لا تعجب الكثير وربما ينتقدني الكثير ايضا ولكن كلمة حق اسطرها هنا ممزوجه بعبير الورد والجوري مطرزه بعبارات الشكر والثنا ء للجميع لؤلؤة زهران |
لؤلؤة زهران: شاكر ومقدر مرورك مره ثانيه والله يعطيك العافيه ... صمت الوداع :كلّفت على عمرك بالمشاركه مادونا نتعبك لكن ماقصرت.. ياأخت لؤلؤه والكلام للجميع ماحصل غلط مني على فهد وهو انكان غلط عليه مسموح أعتبره في مقام الاخ الاصغر ولعلم الجميع فهد يعتبر ولد خالي ويبقى الموضوع وجهة نظر ... مادام ماحصل في الجنادريه في بيت الباحه وما كتب عنّا في المنتديات واليوتيوب لا يمثل إلآ فئه متخلّفه لاتنادي بالتطوير أعتبروا إبن الجنوب وقصيدته من تلك الفئه ... أزيدكم شيء ثاني أحد الشباب يمتلك حساب في اليوتيوب عرض عليّه أن ينزل المقطع والقصيده فرفضت هذا الشيء تماما ... كتبتها هنا بإعتبار إننا نمثّل اسره واحده قد نختلف ونتناقش ولكن نطلع بحلّ مقنع لنا جميعا وإختلاف الرائي لايفسد للود قضيه... هنا مجموعه كبيره لم يعلّقوا على الموضوع ولو قالوا كلمة حق لكان افضل حتى لو ضدّ إبن الجنوب فكلمة الحق لاتزعلّ واللي يزعل عمره مايرضى... أخيرا لاتأخذنا العاطفه والمجاملات على حساب تراث اصيل وعريق نفتخر به بين الناس .. عندما نسيء نحن لهذا التراث فلن نملك الشجاعه في الرد على من يسيء لنا في المستقبل...تحياتي... |
السلام عليكم ورحمة الله وبركاته
أتقدم للجميع هنا بأصدق التهاني والتبريكات على حصول منطقة الباحة للمركز الأول للسنة الثانية على التوالي وما قرأته هنا فيه من الحقيقة شيء وفيه من المبالغة شيء آخر أنا لا أريد التطفل والتدخل فيما لا يعنيني ولكن بما أنني أحد أعضاء هذا المنتدى وقبل ذلك جنوبي الأصل فاقول قصيدة ابن الجنوب جيدة ووجهة نظره جيده ولكن قد اخالف الأخوان الذي بالغو في ردودهم على فرقة الباحة فأنا أقول اخوتي الكرااااام هذا مهرجان يزوره في اليوم أكثر من نصف مليون زائر بمختلف البلدان والمناطق والطباع وقد لا تستطيع التحكم أنت كفرد بما قد يحصل من أخطاء بعض الزائرين أنا أتفق مع الأخوة أنه من المفترض من رئيس الفرقة القيام بسحب البنت وإخراجها بهدوء واحترام لكن ما كتب الله ذلك فلا نعنف في النقد ونقول حصل خير هذه بنت صغيرة جداً وكان وضعها طبيعي جداً ولا يستحق أن يعطى الأمر أكثر من حقه ويعلم الله انني سمعت ثناء كبير لفرقة الباحة وبيت الباحة من شخصيات قيادية كبيرة فلهم منا كل الشكر والتقدير واتمنى من ابن الجنوب وابن خاله الشاعر فهد أن يأخذوا هذا الأمر بأريحية وبعيد عن الاستفزاز واختلاف وجهات النظر شيء طيب ولكن رويداً ولكم مني جميعاً أبناء منطقة الباحة كل الود والحب والوفاء....... آمير الكونــ |
على راسي وانا ولد خالك لكن برضه والله ياهذا الموضوع مايتحمل كذاهذي وجهة نظري انه هذا الموضوع مايتحمل لكن اللي تشوفه |
وووردبدع ابو فيصلووورد راي مايخلف لودُّ وراي ما يقطع صلات اقطعوها بالصلاة اعلى النبي خير البريِّه واسمحوا لي نغلق الموضوع ياشُعّارنا |
الرد : فهد قزعه = ***= يالله تحفظ ديننا والعبد مايقطع صلاة= واقطع السم اللذي فالجسم متعلق بريه= يمكن انا صاحب الهفوات ياشعار انا = |
صح لسانك يابو رنيم وشكراً على الرد الوافي والله يديم المحبه بيننا جميعاً واختلاف الراي لا يخلف للود قضيه ...
وشكراً لأخونا الرائع أبو سالم على فتح هذه الصفحه التي أعتبرها رائعه بما فيها من نقاش وشكراً له على ردّه الرائع على بدعي المتواضع ... |
صح لسانك وبدنك يابوفيصل لاهنت |
| الساعة الآن 02:46 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع