|
محاوره نبطيه من لها ياشعار رباع
محاوره نبطيه خفيفه ياشعار رباع المحترمين
سلامي على زهران والطيب معهود=ووقفاتهـم عنـد اللـوازم كثيـره اذا كان باب اللاش بقفال مسـدود=سرى ذكرهم بالجود في كل ديـره |
صح لسانك
انا سيف في العربان مايلحبه عود = ورايي قدحته يوم قلبي شويره تخاويت ياحمد في ليالك والجود = قريته من اسمك قافيه والمسيره |
ردك وافي وكافي يالنشمي ويشجع على الاستمرار معك والمعذره النت عندي اليوم زي الزفت الله يكرم هالوجيه
استلم
ترى اللي صغير السن ماهو كما العود = ودنياك يانادر رحا مستديره تعوذ من الشيطان وحذر من الزود = ومن كان فاهم مايعاند مديره |
هلا والله بالشعار
سلامي على الي يملك الطيب بشهود=رفيق الجمايل يازعيم العشيره ترى الناس تتفاوت وبه فكر محدود=نساير ونتخطى العقول الصغيره |
صحت السنتكم يالنشاما واشوف راعي الغنم موجود وابلغه اننا مشتاقين لقصائده
|
صحة السنتكم
ترا الفحل ما يحسب على باقي النود = يرى من يرى نفسه كحبة شعيره وانا مايديرني سوا شيخي العود=وغيري خذا من بعض ناسه شطيره غدا الاش يتعدا ولانيب منقود = ولانيب متحزم بليا ذخيره |
ترى الكلب ينبح دامها اسهود وامهود=ولا جاه صوت الذيب تسمع شخيره يسير الزمن والناس عاهد ومعهود=وناسٍ تشيخ او ناس تبقى حقيره بسم الله الرحمن الرحيم ألأخ النادر الصغير ولا يهونون الربع انت رديت والله يقويك لكن انتهكت حقوق القصيد وخرجت عن المحاوره اولا الأبيات اثنين وانت اتيتن بثلاثه وهذا خرق لشروط المحاوره ثانيا استخدمت كلمه استخدمه المتحاور الاول وهي كلمة عود وهذا لا يجوز بتاتا في المحاوره والا سارت سالفه واخيرا عافاك الله ايغى تفسير كلمة نود وش تعني وهذه الكلمه يجب ان تفسر لا لشيء لكن لانك استخدمتها في غير موضعها بس اريد ان اعرفها منك عزيزي ولك التحيه |
ترى اللي يجيد الحبك والنظم موجود =الامثال واجد والمعاني وفيره ولكن بعض الشعر ذا الوقت مزهود =من اللي قليل العرف نفسه كبيره كثيرا من اقواله بها برق ورعود = ودايم مزون الصيف ماهي مطيره |
اخي الهمس انضمامك لنا يزيدنا شرف ويضيف على صفحتنا ضياء وتألق فمرحبا بك مبدعا وشاعر محترف
صقر الجنوب حياك الله يالنشمي ولا عدمنا هذه الطلعه البهيه 0 (اخواني الاعزاء تعلمون ان المحاوره لابد فيها من شي يجيب الحماس والمعاني والتحدي فلا تزعلوا مني ان اخطيت بكلمه عفويه لان القلب يشهد الله انه اصفى من العسل )0 |
وجهك ابيض والربع كلهم فيهم الخير والبركه
لكن تحكم المحاوره اسسها واعرافها وقوانينها ويجب ان يحافض عليها ليبقى جماليات الكلمه محتفظه برونقها ورعتها وانا هناك لم اكن ناقدا انما مصححا فقط والقلب يبقى صافيا ابيضا بياض اللبن ونحن اخوه جميعا ويشرفني الأنظمام لكم جميع بس ياليت تحددون المحاوره كم بيت بالضبط او تفتحون صفحه جديده تكون احسن تحياتي لشخصكم الكريم وللأحبه جميعا |
ملاحظتك في محلها اخي الهمس والمحاوره من بيتين كما بديناها 0
|
لاهنت ياهمس انا يمكن زاد عندي بيت ولا استخدمت كلمه ضنتي جات قبلي واذا كان ذلك عادي قابل للتعديل واذا انت تراقب من جهه وحده مايسير شف الابيات الثانيه من ناحية التكرار وانا اشاء الله متابع معك ومن ناحية كلمة نود ابحث عنها لاتقول استخدمة كلمه ماهي في محلها لاني اعرف وش اقول مع الاحترام
ابو وجه يشبه للقفا لونها سود = على نفسه استذيب سوات الجعيره على سادته في خاطره في خاطره قلبه يسود=خسى مايجاري الحره رخم الطويره |
حياكم الله جميعا
وكلنا نتعلم الأخ النادر الصغير شكلك زعلت يا استاذ علما ان الحق لا يزعل ولا ينقص من قيمتك ونبقى احبه يالغالي هناك زاد معك بيت بالخطأ امرنا لله واستخدمت كلمه برضو بالخطأ امنا بالله بس تجي هنا وتقلب المحاوره نوع من السجع وسالفه هنا وطيت الوزن يا استاذ طيب نرجع لكلمة النود انت تقول تعرف معناها واتمنى انك تشرحها لي انا لا اعرفها واريد منك شرح بمعنى الكلمه هذي خلنا نستفيد منك انتظر تفسيرك اخي الغالي وعلى فكره ترى نبقى احبه وقلوب صافيه لكن فقط للمعرفه والاستفاده تقبل تحياتي واحترامي |
هلا وحياك الله ابو محمد
لا الله لايجيب الزعل وابشرك ماحد يزعل احد الدعوه احباب نكتب على صفحات الانتر نت ونختلف في الرأي ونصحح اخطاء بعض بس تعليقك اني استخدمت كلمه ماهي في محلها اعتقد انا بحكم كتابتي للبيت ابخص يعني لو قلت وش معنا البيت كامل اقول لك معنا او وش قصدت منه وانا استخدمة كلمة فحل والفحل حار وهو ما يحسب على باقي (النود ) والنود البرد هنا والدعوه اخوان وبنسبة للسجع والوزن وين البيت اللي وطيت فيه الوزن والسجع اجمل شي في القصيد ويين السوالف اللي اقولها وعلى فكره القصيده تراها سالفه ولكن اقرب للصوره المرسومه بالوزن والقافيه حسب رأيي |
ونادر تحدانا وقلنا منه فود =معانيه معتله وتمشي كسيره كلام الصغاره وعوج القول مردود =وروح المشافي وبتحصل جبيره |
غدا احمد يحفر مثل مايحفر الدود= وبيديه يكتب له نهاية مصيره انا ماجبرت الشعر والطير مهدود= وشف بيت شعرك مثل عجن الخميره |
وبعض العرب في هامش الشعر معدود=يبي يكسب القاله ويده قصيره وفكره ولو حاول مقيد و محدود=يضيع علوم القاف وسط الظهيره |
انا اقول تبطي ماتصل فن هليود = وعند المعارك منت ابن المغيره واذا تسحب القاله معك فنت مهبود = وعين القصيده عند حرفك ضريره |
ايوه ايوه طيب ياطيب
المحاوره حاميه وبدون توقف شد حيلك يالنشمي
لك البهم والحملان وانا لي الذود=وكلا ترى حظه يحدد مصيره طريقك عن الدروب الجمالات مسدود=وقبلك عقابا نايفات عسيره |
لاهنت يا النشمي
المشرف قال عندي ابيات مكرره وانت استخدمت نفس الكلمه اللي استخدمتها للعلم فقط عشان ما تصير سوالف على قولت اخونا همس
لك اللي تبي ومحزمي فيه عبرود= ومن جا قبالي راح كله دميره واذا هو جمل يسوقه العبد مسعود = ويهدر على نفسه ولا به بصيره |
يانادر الهمس صادق انت اتيت بكلمة النود ولا نعرف لها معنى والان فاجأتني بكلمة عبرود ولاادري ايش معناها
تجمع حوالينا جماهير وحشود=وعيبا تهل الدمع عينا حسيره تراك انتهيت اليوم والامس مولود=ونارك طفت وانا بعدها سعيره |
ترا اللي قصير (ن) مالحق كل عنقود= يقول العنب حامض ويقنع خشيره واذا طاح يتلفت من الخوف مجلود = تعزوا ونادا عزوته يامنيره |
وسنك صغير ولنت عالعرف محسود = وشفتك بفشفاشك وتاكل فطيره انا جيت لك في تالي الليل بقيود =ومثلك نويت احبسه وسط الحضيره |
انا لو طعامي جبنه وخبز مفرود= فلانيب ذا اللي مد يده لغيره واذا تحسب انك قاوياً راس مقنود= ترا ما حسبنا صيحتك يازميره |
اسعدتنا بهذه المحاوره معك وبكره دوام كما تعلم وهاك بدعي الاخير وتصبح على الف خير
الا ليت ليلا ضمنا جعله ايزود=ونحنذك يالجفره بوسط الحفيره ونبعد عن الحاسد وعن كل مقرود=وكلا بتالي الليل يلقى سميره |
ابد انا اعرف ان اللي يزعل يسأل غيره يقول عسى ما زعلت هههههههه عادي يابطل انت الكبير والكبير الله اهم شي خاطرك وسيع وقلبك طيب
انا طاعني شعري وجندته جنود = وغيري شحذ والنفس نفس (ن) فقيره واذا كان ليلي قابله وجه مطرود= عسى الصبح يفرجها وفي الامر خيره |
صراحه محاوره قويه وجزله ورائعه معك يانادر
كانت ليله ماتنسي ياذيب الرجال بس لايكنك زعلت والله انها قصايد ومزوح الا الخاطر اصفى من العسل 0 |
احمد سوقان لله درك انت شاعر مقتدر ,النادر الصغير لازلت صغيرا والصغير يكبر
|
اقتباس:
|
| الساعة الآن 02:47 PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة © لأكاديمية العرضة الجنوبية رباع